«Qańtar-naýryzda jalpy ishki ónimniń ósýi 2,7 % boldy. Negizgi kapıtalǵa salynǵan ınvestısııalar 5,1 %-ǵa ósti. Jyldyq ınflıasııa 6,4 %-dy qurady. Ekonomıkanyń bazalyq salalarynda kólik pen turý jáne tamaqtaný boıynsha qyzmetterdi qospaǵanda, oń ósý baıqalady. Qurylys 11,7%-ǵa, baılanys qyzmetteri – 10,5%-ǵa, ónerkásip – 5,8%-ǵa, aýyl sharýashylyǵy – 2,5%-ǵa ósti», dedi Rýslan Dálenov.
Onyń aıtýynsha, 2019 jylǵy naýryz aıymen salystyrǵanda osy jylǵy naýryzda jekelegen salalarda tómen kórsetkish baıqalady.
«Saýda – 3,6, kólik – 4,7, turý jáne tamaqtaný boıynsha qyzmetter – 12,1 jáne qara metallýrgııa kólemi – 13 %-ǵa azaıdy. Jalpy ónerkásiptiń ósý qarqyny 5,8 % deńgeıinde saqtaldy. 15 óńirde ósý baıqalyp otyr. Eń joǵary ósýdi Qostanaı jáne Aqmola oblystary kórsetti. Sonymen birge 2 óńirde tómendeý tirkeldi. Bul - Qyzylorda jáne Jambyl oblystary», dedi ol.
