«Qalyptasqan ekonomıkalyq jaǵdaıǵa qaramastan, bıznes aldyndaǵy óz mindettemelerimizdi ýaqtyly oryndadyq. Esepti kezeńde olarǵa 193 mlrd teńge kóleminde qosylǵan qun salyǵy qaıtaryldy. Bul 2019 jyldyń uqsas kezeńimen salystyrǵanda 84 mlrd teńgege kóp», dedi Álıhan Smaıylov.
Onyń aıtýynsha, kirister boıynsha jyldyq jospar 6,4 trln teńge somasynda bekitildi.
«Jergilikti bıýdjetterdiń óz kiristeri 134 mlrd teńgege artyǵymen oryndalyp, 759 mlrd teńgeni qurady. Asyra oryndalý negizinen salyqtar esebinen qalyptasty. Ol 127 mlrd teńge. Barlyq óńirlerde kiristerdiń jospary artyǵymen oryndaldy. Memlekettik bıýdjet shyǵystary 98,7%-ǵa, respýblıkalyq 99,5%-ǵa, jergilikti bıýdjetter 97,7%-ǵa atqaryldy. Respýblıkalyq bıýdjet shyǵystary 2,9 trln teńgeni qurady. О́tken jyldyń osyndaı kezeńimen salystyrǵanda ósý qarqyny 109,8% qurady», dedi Á. Smaıylov.
