«Polısııa men áskerler birlesip, táýlik boıy patrýldeýde, azamattarmen aldyn alý jumystary júrgizilip jatyr. Planshetterge jaıaý júrginshiler men kólikterdiń úı-jumys qozǵalys baǵdarlary engizilýde. Jalpy alǵanda karantın kezinde qylmys sany 34 paıyzǵa, asa aýyr qylmys 43 paıyzǵa tómendedi. Onyń ishinde urlyq, buzaqylyq qylmystar sany azaıdy. Jol-kólik oqıǵasy sany 76 paıyzǵa, zardap shekkender 72 paıyzǵa tómendedi. Jol qozǵalys erejesin buzǵandar 67 paıyzǵa azaıdy» dedi Erjan Sádenov.
Erjan Sádenovtiń aıtýynsha, keıbir azamattar aıtylǵan eskertýlerge qulaq aspaı karantın rejimin buzýda.
«Túrli quqyq buzýshylyq úshin polısııa bólimderine 2 838 adam jetkizildi. Onyń ishinde 1 770 adam ákimshilik jaýapkershilikke tartyldy. Qamaýǵa alynǵandar - 166, aıyppul salynǵandar - 1 126, eskertý alǵandar - 408 adam, al sot qaraýynda 70 materıal bar. Ákimdiktiń kommýnaldyq turaǵyna 588 avtokólik qoıyldy. 36 júrgizýshi mas kúıinde ustalyp, júrgizýshi quqyǵynan aıyryldy. 67 jaıaý júrginshige aıyppul salyndy, 135 adam ákimshilik qamaýǵa alyndy» dedi ol.
