Karantın tártibi barynsha kúsheıtilgen megapolıste myńǵa tarta ulandyq kún-tún demeı qoǵamdyq tártipti kúzetýde. «Ońtústik» óńirlik qolbasshylyǵynyń 5571 áskerı bóliminde qyzmet etetin birqatar azamattardyń otbasyna azyq-túlik qorapshalary tabys etildi. Qıyn sátte bar jigerin el qaýipsizdigine arnaǵan jeke quram qyzmetkerleriniń arasynda kópbalaly ákeler men múgedek balalardy tárbıelep otyrǵandar, sondaı-aq áleýmettik jaǵynan az qamtylǵan jandar da bar.
«Naǵyz erler syn saǵatta synalady. Mundaı kezde áskerı qurylymdarǵa artylatyn júk pen jaýapkershiliktiń salmaǵy aýyr. Bizdiń ulandyqtar muny jaqsy túsinedi. 115 ten astam azyq-túlik qorapshalaryn úlestirip, sarbazdarǵa jiger berip jatqan ákimdiktegilerge rahmet. Áskerı bólimniń qoǵamdyq uıymdary bul sebetterdiń byrazyn ardagerlerdiń úıine baryp tabys etetin bolady. Qazaqstan halqymen birge aty jaman indetpen kúresip jatqandardyń aldyńǵy shebinde osy bizdiń Ulttyq ulannyń sarbazdary da júr», deıdi Qazaqstan Respýblıkasynyń Ulttyq ulany «Ońtústik» óńirlik qolbasshylyǵy qolbasshysynyń orynbasary Nııaztaı Álkeshev.
Ulttyq ulan sarbazdarynyń áskerı orkestri de syn saǵatta syrtta qalmaı qoǵamǵa paıdamyz tıse deıdi. Orkestr aldaǵy kúnderi sarbazdar men turǵyndardy jigerlendirý maqsatynda onlaın konsert uıymdastyrýdy qolǵa almaq.
