Kompanııa Qazaqstan aýmaǵyndaǵy oblys jáne qalalardyń ákimdikteri jáne volonterlik uıymdarmen yntymaqtasa otyryp kóp balaly otbasylardy, halyqtyń az qamtylǵan jáne zardap shekken toptaryna ataýly materıaldyq kómek kórsetý jáne azyq-túlik jıyntyǵyn jetkizýdi qolǵa almaq.
Sonymen birge medısına qyzmetkerlerine indetpen kúresý jáne olardyń jumys jaǵdaıyn qamtamasyz etý úshin qajetti kómek kórsetý men muqtaj jandardy qoldaý úshin túrli qaıyrymdylyq qorlarymen yntymaqtastyqta iske kirisetin bolady.
– Álemde jáne bizdiń elimizde koronavırýsty juqtyrý deńgeıi ósýde, ókinishke oraı, indetten kóptegen ólim jaǵdaılary tirkelgen. Biz osy aýyr kúnderi qaıtys bolǵandardyń týystary men jaqyndaryna kóńil aıtamyz. Sonymen qatar, qazaqstandyq medısına qyzmetkerlerine jáne pandemııaǵa qarsy kúreste aldyńǵy qatarda júrgenderge úlken rahmet aıtqymyz keledi. El basshylyǵy COVID-19 taralýynyń aldyn alý boıynsha ýaqtyly jáne saýatty is-áreketterdi qabyldady, áıtpese zalal kólemi tym kóp bolar edi. Sonymen birge pandemııaǵa qarsy kúres jónindegi amalsyz jáne qajetti sharalar bizdiń elimizdiń halqy men ekonomıkasyna eleýli áser etedi. Daǵdarys bárimizge áser etti. Qazir búkil qoǵamnyń kúsh-jigerin biriktirý úshin, meıirimdilik pen ózara kómek kórsetý qajet. Ýaqytyly qajetti kómek kórsetip jáne bir-birimizdi qoldaý arqyly biz osy daǵdarystan shyǵa alamyz. Buryńǵydan da kúshti bola alamyz, – deıdi Kusto Group kompanııasynyń negizin qalaýshy Erkin Tátishev.
