Almaty qalalyq Polısııa departamenti atalǵan derekti teksere kele karantın rejımin jáne jol erejesin buzý áreketi boıynsha eki quqyq buzýshylyqty tirkedi. Kortej qatysýshylarynyń barlyǵy ustaldy. 25 jastaǵy «Bentlı» kóliginiń júrgizýshisi Januzaqovty E.T Almaty aýdanaralyq mamandandyrylǵan ákimshilik soty QR ÁqbK 476-babymen aıypty dep tanyp, 15 táýlikke qamaý jóninde sheshim qabyldady.
Al «Bentlı» kóliginiń jolaýshysy Asylbekov Sh.A QR ÁqbK 476-babymen aıypty dep tanylyp, 15 táýlikke ákimshilik qamaýǵa alyndy. 27 jastaǵy «Kadıllak» kóligin tizgindegen Jumaǵulov S.D QR ÁqbK 476-baby, QR ÁqbK 596-babynyń 3-bólimi boıynsha QR ÁqbK 590-babynyń 3-bólimi negizinde aıypty dep tanylyp, 14 táýlikke qamaldy. «Kadıllak» jolaýshysy 30 jastaǵy Kanaev E.N QRÁqbK 476-babymen ákimshilik jazaǵa tartylyp, 15 táýlikke qamaldy. «Mersedes» júrgizýshisi 40 jastaǵy Artyqbaev M.M QR ÁqbK 476-baby, QR ÁqbK 596-babynyń 3-bólimi, QR ÁqbK 590-babynyń 4-bólimi boıynsha aıypty dep tanylyp10 táýlikke qamaýǵa alynǵan.
«Taǵy eki tulǵanyń kim ekendigi anyqtaldy. Ol izdestirilip jatyr. Kólikterdiń barlyǵy aıypturaǵyna qoıyldy. Sonymen qatar, PD ózindik qaýipsizdik basqarmasy bul kortejdiń blokpost arqyly emin-erkin ótýine baılanysty tekserý júrgizbek. Al otyrysqa qatysqan qalalyq PD Krımınaldy polısııa basqarmasynyń basshysy Janbolat Zıadın qyzmettik tekserý aıaqtalǵansha qyzmetinen shettetildi. Bul quqyqbuzýshylyqqa qatysty quqyqtyq baǵa beriletin bolady», - dedi qalalyq PD basshysy Qanat Taımerdenov.
