Kezdesý barysynda naýqastar men aýrýhana qyzmetkerlerin ornalastyrýdyń, qaýipsizdiktiń sanıtarlyq-epıdemıologııalyq sharalaryn saqtaýdyń aǵymdaǵy jaǵdaıy talqylandy.
«Biz qalalyq aýrýhananyń dárigerleri men medısınalyq qyzmetkerlerin qandaı jaǵdaı alańdatatynyn, qalyptasqan jaǵdaıdy tikeleı rettep, oryn alǵan máselelerdi sheshý úshin barlyq sharalardy qabyldaý maqsatynda jınalyp otyrmyz», – dep atap ótti Erjan Babaqumarov.
Sondaı-aq ol aýrýhana ujymyna juqtyrý jaǵdaılaryna qaramastan, sabyrlyq tanytyp, jasaǵan jumystary úshin alǵysyn bildirdi.
Suraqtar men usynystar jóninde hırýrgııa bóliminiń meńgerýshisi N. Kemelhanov, fızıoterapııa bóliminiń meńgerýshisi A. Tórequlova, nevrologııa bóliminiń meńgerýshisi G. Qusaıynova, reanımasııa bóliminiń meńgerýshisi G. Berdalına, travmatolog-dáriger G. Egemov jáne basqa da mamandar sóz sóıledi.
Kezdesý qorytyndylaǵan ákim orynbasary, kóterilgen máselelerdi sheshý boıynsha birqatar naqty tapsyrmalar berdi.
Ol, aldaǵy ýaqytta da atalǵan aýrýhana ujymymen kezdesýler jalǵasatynyn jetkizdi.
