Qazaqstan Respýblıkasy Prezıdentiniń janyndaǵy Tótenshe jaǵdaıdy qamtamasyz etý jónindegi memlekettik komıssııanyń sheshimine sáıkes Indýstrııa mınıstrligi kommýnaldyq qyzmet kórsetýshilerge shyǵyndardy óteý erejesin bekitti.Qazaqstan Respýblıkasy Prezıdentiniń janyndaǵy Tótenshe jaǵdaıdy qamtamasyz etý jónindegi memlekettik komıssııanyń sheshimine sáıkes Indýstrııa mınıstrligi kommýnaldyq qyzmet kórsetýshilerge shyǵyndardy óteý erejesin bekitti.
Osy Erejege sáıkes, kómek ótinish bildirgen jáne tulǵalardyń kelesi sanaty boıynsha jeke shoty bar adamdarǵa beriledi:
1, 2, 3-shi toptaǵy múgedekter;– múgedek balalardy tárbıelep otyrǵan otbasylar;– kóp balaly otbasylar; – Uly Otan soǵysynyń múgedekteri men qatysýshylary jáne Uly Otan soǵysynyń múgedekteri men qatysýshylaryna teńestirilgen adamdar; – memlekettik nemese qoǵamdyq mindetterdi oryndaý, áskerı qyzmet atqarý kezinde, ǵarysh keńistigine ushýdy daıyndaý nemese júzege asyrý kezinde, adam ómirin qutqarý, quqyqtyq tártipti qorǵaý kezinde qaza tapqan adamdardyń otbasylary;– eń tómengi jáne odan tómen zeınetaqy alatyn zeınetkerler;– ataýly áleýmettik kómek alatyn azamattar, sonyń ishinde jalǵyz basty zeınetkerler.
– Atalmysh sanattaǵy tulǵalardyń tizimi qazirdiń ózinde daıyn. О́ıtkeni, Almatyda halyqtyń áleýmettik jaǵynan osal toptaryna jatatyn 62 455 adam bar, olardyń 22 myńǵa jýyǵy jeke esep shottarǵa ıe, – dedi Á.Masabaev.
Memleket sáýir jáne mamyr aılary úshin 15 myń teńgeden kommýnaldyq qyzmet aqysyn tóleıtin bolady, sondyqtan ótinim berýge asyqpaýǵa bolady. О́ıtkeni, barlyq ótinishter mamyr aıymen qosa qabyldanady. Tizimge engizilgen barlyq tutynýshylar kómek alýǵa quqyly.
– Shyǵyndardy óteý erejesine sáıkes tutynýshylar JSN, áleýmettik mártebe jáne jeke shot málimetterimen ótinim berýi tıis, – dep atap ótti spıker.
HÁOT mártebesi rastalǵan jaǵdaıda Energııatıimdilik basqarmasy aqshany «Alseko» AQ usynǵan derekterge sáıkes jetkizýshilerdiń esep aıyrysý shottaryna aýdaratyn bolady, olar óz kezeginde, esepti kommýnaldyq qyzmetterdiń kólemine proporsıonaldy túrde júrgizedi.
Budan bólek, tutynýshy kommýnaldyq qyzmetterdi tólegen jaǵdaıda, sondaı-aq kommýnaldyq qyzmetterdi tóleý týraly túbirtekte 15 myń teńgeden kem soma bolsa, jetkizýshi tólemdi kelesi esepti kezeńge esepteý jolymen qaıta esepteýdi júrgizedi jáne tutynýshyny tólemdi esepke alý týraly habardar etedi.
О́nim berýshi tutynýshylarǵa tólem usynǵan kezde tólem týraly túbirtekte kommýnaldyq qyzmetterdiń bir bóligin memlekettiń óteý somasyn kórsetedi. Ár aı úshin 15 myń tólem kommýnaldyq qyzmetterdi tutynýshylardyń derbes (abonenttik) shottaryna tikeleı júrgiziledi.
– Kómek joǵaryda atalǵan sanattarǵa jatatyn, óz atyna kommýnaldyq qyzmet kórsetýshimen jsalǵan kelisim-sharty bar jáne karantın engizilgen eldi mekende turatyn adamdarǵa kórsetiledi. Kommýnaldyq qyzmetter boıynsha shyǵyndardy óteý tártibi 18 sáýirde bekitildi jáne qazirgi ýaqytta ákimdikter call-ortalyqtar men ótinimderdi qabyldaý boıynsha aqparattyq resýrstardy qurý boıynsha jedel sharalar qabyldaýda, – dep túsindirdi spıker.
Aıta keteıik, Turǵyn úı zańynyń 2-babyna sáıkes kommýnaldyq tólemder – sý, jylý, gaz, elektr energııasy, qoqys shyǵarý jáne lıft úshin tólenedi dep naqtylap ótti spıker.
Kommýnaldyq qyzmet shyǵyndaryn óteýdi alý úshin tutynýshy óziniń HÁOT mártebesin jumys ýaqytynda saǵat 09.00-den 18.00-ge deıin call-ortalyqtardyń nómirleri boıynsha habarlasa otyryp rastaýy qajet.: +7 (727) 339-50-15; +7 (727) 341-07-77.
Eskerer jaıt, bul call-ortalyqtar jumysyn sársenbiden bastaıdy.
HÁOT mártebesi rastalmaǵan jaǵdaıda tutynýshy Áleýmettik ál-aýqat basqarmasyna júgine alady.
