Qazaqstan Prezıdenti Nursultan Nazarbaev Shanhaı yntymaqtastyq uıymyna múshe memleketter basshylary keńesiniń otyrysyna qatysý aıasynda Iran Islam Respýblıkasynyń Prezıdenti Hasan Rýhanımen kezdesti, dep habarlady Qazaqstan Prezıdentiniń baspasóz qyzmeti.
Qazaqstan Prezıdenti Nursultan Nazarbaev Shanhaı yntymaqtastyq uıymyna múshe memleketter basshylary keńesiniń otyrysyna qatysý aıasynda Iran Islam Respýblıkasynyń Prezıdenti Hasan Rýhanımen kezdesti, dep habarlady Qazaqstan Prezıdentiniń baspasóz qyzmeti.
Kezdesýde Nursultan Nazarbaevtyń Iranǵa sapary kezinde qol jetkizilgen ýaǵdalastyqtardy iske asyrý barysy qaraldy.
Taraptar saýda-ekonomıka, kólik-kommýnıkasııa jáne ınvestısııa salalaryndaǵy ekijaqty yntymaqtastyqty jandandyrýdyń keleshegi týraly sóılesti.
– Qazaqstan Irannyń ıadrolyq baǵdarlamasy aınalasyndaǵy jaǵdaıdyń sheshilýine budan keıin de belsene qatysýǵa daıyn. Sonymen qatar, biz kólik-kommýnıkasııa salasyndaǵy ózara is-qımylymyzdy damytýǵa, atap aıtqanda, temir jol tasymalyn júzege asyrýǵa múddelimiz. Bizdiń elderimizdiń ortaq ıgiligi – Kaspıı teńizi, ol dostyq pen yntymaqtastyq teńizi bolýǵa tıis. Onyń quqyqtyq mártebesin anyqtaý jónindegi jumysty jalǵastyrý qajet, al sarapshylar bul baǵyttaǵy qyzmetin odan ári júzege asyrýy kerek, – dedi Nursultan Nazarbaev.
Qazaqstan Prezıdenti óńirde beıbitshilik pen tynyshtyqty qamtamasyz etýge barlyq elder múddeli ekenin atap ótti.
Hasan Rýhanı Nursultan Nazarbaevqa óziniń ulyqtaý rásimine qatysqany úshin alǵysyn aıtyp, Qazaqstannyń Iran úshin dostas el, óte mańyzdy seriktes bolyp sanalatynyna toqtaldy.
– Bizde ózara yntymaqtastyqtyń orasan áleýeti bar. Bizge tek ekijaqty saýda-ekonomıkalyq baılanysty ǵana emes, elderimizdiń mádenıet salasyndaǵy ózara is-qımylyn da damytý óte mańyzdy, – dedi Iran Prezıdenti.
Nursultan Nazarbaev pen Hasan Rýhanı óńirlik qaýipsizdik pen halyqaralyq kún tártibindegi máselelerdi de talqylady.
Qazaqstan Prezıdenti Nursultan Nazarbaev Shanhaı yntymaqtastyq uıymyna múshe memleketter basshylary keńesiniń otyrysyna qatysý aıasynda Tájikstan Respýblıkasynyń Prezıdenti Emomalı Rahmonmen kezdesti.
Áńgimelesý barysynda memleket basshylary saýda-ekonomıkalyq, ınvestısııalyq jáne mádenı-gýmanıtarlyq yntymaqtastyqtyń negizgi baǵyttaryn talqylady.
Nursultan Nazarbaev pen Emomalı Rahmon eki eldiń óńirlik jáne halyqaralyq uıymdar aıasyndaǵy ózara is-qımyly máselelerin qarastyrdy.
Sonymen qatar, taraptar óńirlik qaýipsizdik ahýaly jóninde pikir almasty.
