Keshe Ulttyq qaýipsizdik komıtetinde terrorǵa qarsy ortalyq músheleriniń ekinshi keńeıtilgen otyrysy bolyp ótti. Jıynǵa salalyq vedomstvo jáne beınejeli arqyly aımaqtardaǵy Ulttyq qaýipsizdik komıteti departamentteriniń basshylary qatysty.
Keshe Ulttyq qaýipsizdik komıtetinde terrorǵa qarsy ortalyq músheleriniń ekinshi keńeıtilgen otyrysy bolyp ótti. Jıynǵa salalyq vedomstvo jáne beınejeli arqyly aımaqtardaǵy Ulttyq qaýipsizdik komıteti departamentteriniń basshylary qatysty.
Otyrysta Ulttyq qaýipsizdik komıtetiniń tóraǵasy Nurtaı Ábiqaev kún tártibine qoıylǵan terrorızm qaýpiniń taralýyna sebep bolatyn birqatar faktorlardy atap ótti. Budan birshama jyl buryn biz terrorızmdi jekelegen elder arqyly biletin bolsaq, qazir onyń uǵymynyń ózi búkil álemge keń tarap úlgerdi. Naqty aıtar bolsam, ekstremıstik jáne qylmystyq, sonyń qatarynda qarýly toptardy joıý boıynsha arnaıy, jıi túrde birlesken ondaǵan operasııalar áldeneshe ret tabysty ótkizildi. Degenmen, dál qazirgi kezeńde azamattardyń dinı saýatyn ashý óte mańyzdy bolyp otyr. Ol úshin áýeli jas urpaqqa bilim dánin egetin balalar baqshasyndaǵy tárbıe máselesine zeıin qoıýymyz qajet. Shetelden dinı saýatyn ashyp keletin mamandarymyzdyń biliktiligine de zertteý júrgizgen artyqtyq etpeıdi. О́ıtkeni, ómir kórinisinen anyq ańǵarylǵandaı, basqa dinniń jetegine erip ketip jatqandardyń 80 paıyzy jumyssyz júrgen jastar. Sondyqtan biz jáne jergilikti atqarýshy bılik bul turǵydaǵy máselege sergek qaraýymyz tıis, dedi N.Ábiqaev.
О́z kezeginde sóz alǵan Din isteri agenttigi tóraǵasynyń orynbasary Ǵalym Shoıkın radıkaldy dinge boı aldyryp júrgenderdiń basym bóligi jumyssyzdar qatarynan ekenin jasyrmady.
Ári syrttan keletinder teris aǵymdardyń taralýyna áser etip jatqan kórinedi. Shetelderge teologııalyq bilim alýǵa barǵandardyń da qarym-qabiletin tekseretin kez kelip jetti. Ol osyndaı máselelerdi kótere kele, aldaǵy ýaqytta shetelde dinı bilim alǵysy keletin talapkerlerdi Din isteri agenttiginiń retteıtinin jetkizdi.
Otyrysta shyǵyp sóılegenderdiń deni azamattardyń dinı saýattylyǵyna erekshe nazar aýdardy. Ol úshin aldymen ımamdardyń saýatyn kóterý kerektigi aıtyldy. Al elimiz boıynsha osy ýaqyt aralyǵyna deıin 800 ımam biliktilik kýrsynan ótken. Bastysy, baǵyty beımálim shetelderdegi dinı oqý oryndarynda bilim alyp jatqan qazaqstandyqtardy keri qaıtarý máselesi qolǵa alynypty. Bul oraıda derekke júginsek, sońǵy eki jyl ishinde sol jerlerde bilim alyp jatqan 232 azamatymyz elimizge keri qaıtarylǵan. Qalǵan 440 azamatty ýaqyt ozdyrmaı elge ákelý máselesi qarastyrylýy tıis eken.
Jıynda shyǵyp sóılegen Bilim jáne ǵylym vıse-mınıstri Murat Ábenov bıyldan bastap elimiz mektepterinde «Dintaný» páni oqý baǵdarlamasyna engizilgenin atap ótti. Alaıda, osy pánnen dáris beretin ustazdar jetispeıdi eken. Ulttyq qaýipsizdik komıtetiniń tóraǵasy N.Ábiqaev osy jáne joǵaryda kóterilgen basqa da máselelerdi jedel retteý kerektigin aıtyp, jıyndy qorytyndylady.
Ámirhan ALMAǴANBETOV,
«Egemen Qazaqstan».
