Sarykemerdiń sáýleti artyp keledi

Atalǵan joba aıasynda aýyl­dar­dyń sáýleti artyp, tir­li­gi tikteldi. Máselen, Sary­ke­mer aýylynyń ortalyǵyndaǵy mádenıet úıiniń irgetasy 1976 jyly qalanǵan eken. Salyn­ǵa­nyna qyryq jyldan astam ýaqyt ótse de, 2009 jyly ǵana nysannyń qasbetine sońǵy ret aǵym­daǵy jóndeý jumystary júr­gizi­lipti. Tipti keıinnen ǵıma­rat­tyń qasbetiniń boıaýy ońyp, ákteriniń túsip qalǵanyn tur­ǵyn­dar talaı ret másele etip kótergen. Nysannyń aldyńǵy alańshasyna 2004 jyly tóselgen taqtatastardyń deni synǵan, bú­lingen, keı jerleri oıylyp ketken bolatyn. Mundaǵy jaryq shamdar, toqsanynshy jyl­dary salynǵan sýburqaqtar men oryndyqtar jaramsyz bolyp qalǵan edi. Endi, memleket qoldaýynyń nátıjesinde aýdan ortalyǵyndaǵy mádenıet úıin jańǵyrtý úshin jobalyq quny 14 mln 664 myń teńgeni quraıtyn aýqymdy jumys atqaryldy. Áýeli nysannyń qasbetine árleý ju­mystary júrgizilip, jańar­tyl­dy. Ǵımarattyń aldyńǵy alańshasynyń eski taqtatastary aýystyrylyp, dálizge ishki árleý jumystary júrgizilgen. Esik-terezeler jańartylyp, nysannyń al­dyńǵy jaǵyna jańadan oryn­­­­­dyqtar qoıylyp, jaryq shamdary qalpyna keltirildi. Má­de­­nıet úıiniń aldyna ál-Fara­bı eskertkishi ornatyldy. So­ny­­men qatar nysannyń qa­raý­­­syz jatqan oń jaq bóli­gin­degi alańǵa demeýshilerdiń kóme­gimen 10 mln teńgege bir­qatar jumys atqarylǵany da elge ıgilik boldy. Búginde munda alleıa ashylyp, shyrshalar egilip, jańadan avtoturaq sa­lynǵan. Jańa oryndyqtar qoıy­lyp, aınalasynyń jaryq­tan­dyrylǵany da nysanǵa sán berip tur. Sonymen qatar aýdan­dyq ortalyqtandyrylǵan kitaphanalar júıesiniń kitap qoryn saqtaý bólmesiniń eskirgen shatyry jóndelip, qabyrǵalary tegis­telgen. Joba aıasynda aýdan­­­­dyq tarıhı-ólketaný mý­ze­ıi­niń ǵımaratyna 3 mln 372 myń teńgege qosymsha eki bólme salynǵan. Aýdan ortalyǵyndaǵy birqatar balalar baqshalaryna da kúrdeli jóndeý jumystarynyń júrgizilgenin aıtqan ata-analar memlekettiń qoldaýyna dán rızashylyǵyn bildirýde. 280 oryndyq «Baldyrǵan» bala­baq­shasy 1983 jyly paıdalanýǵa berilgen eken. Munda qazirgi ýaqytta 36 pedagog, 34 kishi qyz­met­ker jumys atqarady. 12 topta 300 bala tárbıelenýde. 36 jyldan beri kúrdeli jóndeý kórmegen mekeme eskirgendikten, «Aýyl – el besigi» jobasy aıasynda jalpy quny 41 mln 951,4 myń teńgege «Baldyrǵan» balabaqshasyna kúrdeli jóndeý jumystary júr­gi­zilipti. Sol sııaqty 30 jyldan beri jóndeý kórmegen «Teremok» balabaqshasyna atalǵan joba aıasynda jalpy quny 164 mln 475 myń teńgege kúrdeli jóndeý júrgizilgen. Ǵımarattyń shatyry túgel aýystyrylyp, syrt­qy jáne ishki qabyrǵalary tegis jańartylypty. Búginde bala­baqshadaǵy 6 topta 140 bala tár­bıe­lenýde. Jalpy qyz­met­ker­ler sany 46 adam, onyń ishinde 22 pedagog qyzmetker bar.

 Sol sııaqty Sarykemer aýy­lyn­daǵy jazǵy teatrǵa 5 mln 908,7 myń teńgege aǵymdaǵy jóndeý ju­mysy júrgizilip, aýdandyq «Jastar resýrstyq ortalyǵyna» jeke ǵımarat retinde berilipti. Aýyl ortalyǵynda ornalasqan Keńes Odaǵynyń Batyry Aqádil Sýhanbaev atyndaǵy ortalyq saıabaqqa 5 mln 908,7 myń teńgege jóndeý jumystary júrgizilgen. «Saıabaqqa aspaly shamdar ornatylyp, 2734 sharshy metr gazon, 220 sharshy metr jerge taqtatas tóseldi. Joldardyń barlyǵynyń jıegine 1100 sharshy metr jıek­­tas, 1500 sharshy metr jerge polıetılen qubyrlary tartylyp, sýarý júıesi iske qosyldy. 100-den asa qylqanjapyraqty aǵashtar jáne aqqaıyńnyń kó­shet­teri egildi. Balalar oınaıtyn túrli átkenshekter boı kóter­di, saıabaqqa sporttyq qural-jabdyq­tar, zamanaýı oryndyqtar men qoqys jáshikteri ornatyl­dy. Qazirgi tańda saıabaq turǵyn­dar­dyń jıi keletin súıikti ornyna aınalǵan», deıdi aýdan ákimi Nurjan Nurjigitov.

Sondaı-aq aýdandyq halyqty jumyspen qamtý ortalyǵynyń ǵımaraty da 3 mln 449,5 myń teńgege jańǵyrtylsa, «Aýyl – el besigi» jobasynyń aıasynda ortalyq aýrýhananyń qabyldaý bólimshesi de aǵymdaǵy jóndeýden ótken. Munda jalpy quny 7 mln 790 myń 357 teńgeniń jumystary atqarylǵan. Aǵymdaǵy jóndeý barysynda jalpy 13 esik aýys­tyrylyp, 160 sharshy metr edenge lınoleým jáne 418 sharshy metr keramogranıt plıta tastary tóselgen. Budan ózge de atqarylǵan jumystar bar. Ǵımarattyń ota jasaý bólimshesine de kúrdeli jóndeý júrgizilgen. Aýylda Ǵanı Muratbaev atyndaǵy mektep-gımnazııa bar. Mektep janynan 2012 jyly shaǵyn fýtbol alańshasy salynǵan. Munda byltyrǵa deıin deıin kúrdeli jóndeý jumystary júrmegendikten, alańshanyń qor­shaýy jáne tory, jasandy tóse­nishi, boıaýlary ábden tozyp, ja­ramsyz jaǵdaıǵa jetken edi. Bul olqylyqtyń da oryny «Aýyl – el besigi» baǵdarlamasy arqyly tolyp, ótken jyly kúrdeli jón­deý jumystaryna 12 mln 358 myń teńge qarajat bólinipti. Búginde bul tolyǵymen ıgerilgen. Alańshaǵa qorshaý júrgizilip, jasandy tósenish tóselse, qorshaýdyń tory aýystyrylyp, tirekter syr­lan­ǵan. Qazirgi tańda tolyq paı­dalanýǵa berilgen fýtbol ala­ńyn­da aýyl jastary sportpen aına­lysady.

Sarykemer aýylynan 2001 jyly J.Úshkempirov atyndaǵy №1 balalar-jasóspirimder sport mektebi ashylǵan bolatyn. Alaıda ǵımarattyń shatyrynan sý aǵyp, syrtqy qabyrǵalarynyń sylaǵy túsip, kirpishteri úgitile bastaǵan. «Aýyl – el besigi» baǵdarlamasy aıasynda 22 mln 382 myń 479 teńgege ishinara kúrdeli jóndeý jumystary júrgizilipti. Búginde nysan joǵary deńgeıde jumys istep tur. Turǵyndardyń deni negi­zi­nen aýyldaǵy kóptegen nysan­nyń qaıta jóndelip, el ıgiligine beril­ge­nine rızashylyq bildirýde. Sol sııaqty, Sarykemer aýy­lyn­daǵy №2 balalar-jasós­pi­rim­der sport mektebiniń ortalyq sta­dıonynda ornalasqan basket­bol alańshasy 1993 jyly salyn­ǵanymen, qurylysy aıaq­talmaǵan eken. «Aýyl – el besigi» jobasy aıasynda basketbol alań­sha­­synyń retke keltirilgeni de jas­tarǵa qýanysh. Kópten beri tur­ǵyn­dardyń máselesine aınalyp kelgen aýyl ishindegi joldar da jóndeýden ótip, kósheler jaryq­tan­dyrylǵan. Endi oblystyq ma­ńy­zy bar «Taraz – Sarykemer – Túımekent – Aqsholaq» avto­jo­lynyń 3,4 – 14,4 shaqyrym ara­lyǵyn qaıta jańǵyrtý ju­mys­tary qolǵa alynýda. Jobanyń jalpy quny 2 mln 533,7 myń teńgeni quraıdy. Jobany júzege asyrý 2019-2020 jyldarǵa josparla­nyp­ty.

Sondaı-aq Sarykemer jáne Báıterek aýyldaryndaǵy kóshe shamdarynyń aýystyrylyp, tirekteri jańǵyrtylǵany da kópshilik úshin qýanysh. Joba aıasynda 100-den astam kóshe­ge 348 mln 587 teńgeniń ju­mys­tary júrgizilgen. Aýyl hal­­qy­nyń turmysyn kóterýge baǵyt­talǵan aýqymdy joba sheńberinde bıyl 7 joba iske asady. Onyń ishinde Qostóbe orta mektebine qosymsha sport zal, akt zal, ashana jáne úsh synyp bólmesin salý, Baızaq aýylynda sporttyq saýyqtyrý keshenin salý, №1mek­tep-gımnazııanyń oqý korpýsyn kúrdeli jóndeýden ótkizý, N.Kıikbaev atyndaǵy mektep-gım­nazııanyń shatyryna kúrdeli jóndeý júrgizý jáne ózge de nysandardy jóndeý jumystary bar. Atalǵan jobalardyń jalpy quny 972 mln 689 myń teńgeni quraıdy. «Jalpy, «Aýyl – el besigi» jobasy aıasynda atqarylǵan, aǵym­daǵy jyly josparlanyp otyr­ǵan jobalar aýqymdy, jobalardyń ıgiligin el kórýde», deıdi Nurjan Nurjigitov.

Jambyl oblysy