Aımaqtar • 25 Sáýir, 2020

Atyraýda oıyn alańdarynda koronavırýs keıpindegi qýyrshaqtar júr

649 ret kórsetildi

О́ńirlik kommýnıkasııalar qyzmetiniń habarlaýynsha,  karantın talaby kúsheıtilgenine  qaramastan, qaladaǵy aýlalarda, oıyn alańdarynda balalardyń  oınaýy  jalǵasýda. Sondyqtan  ata-analarǵa oı salý úshin koronavırýs túrindegi qýyrshaqtardy qoldanylyp otyr.

– Balalardyń densaýlyǵyn saqtaý úshin osyndaı tásil arqyly ata-analardy oılandyrýdy jón kórdik. О́ıtkeni, qaýipti ınfeksııa balalarmen birge aýlada «oınap júrýi» múmkin. Balalar daladan juqtyryp, úıge alyp kelýi  yqtımal. Balalardyń shoǵyrlanǵan jerine koronavırýs keıpindegi qýyrshaqtar barady,- deıdi Atyraý oblystyq Mahambet atyndaǵy akademııalyq qazaq drama teatrynyń dırektory Berik Jámenov.

Balalardyń keıbiri koronavırýs keıpindegi qýyrshaqty tosyrqap qashqaqtaıdy. Al, keıbiri eligip oınaǵysy keledi. Sol kezde daýys zoraıtqysh iske qosylady.

–«Qurmetti ata-analar, balalaryńyzdyń taǵdyrymen oınamańyzdar. Olardy qaýip-qaterge ıtermelemeńizder. Odan da balalarǵa qorǵan bolyp, qorǵanyńyzdar. Koronavırýs indeti álemde talaı balanyń ajalyna aınaldy. Kózge kórinbeıtin qater janyńyzda júrýi ábden múmkin. Balańyz koronavırýstyń kelesi qurbanyna aınalmasyna kim kepil?! Karantın – dalada oınaıtyn  emes, úıde qaýipsizdikti oılaıtyn ýaqyt.  Balalaryńyzdyń,  otbasyńyzdyń amandyǵy úshin úıde otyryńyz, úıde oınańyz. Karantın bitkenshe shydańyz. Bul – sizderdiń qaýipsizdikterińiz úshin jasalǵan sheshim. Tártipke baǵynyp, sabyrly bolyńyzdar» degen sózder estiledi,- deıdi Berik Jámenov.

Uıymdastyrýshylar osyndaı tásil arqyly ata-analardy oılandyratynyna  senedi.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar