Joba boıynsha Taldyqorǵannan bastaý alatyn 32 shaqyrymdyq 4 jolaqty jol ýchaskesi I tehnıkalyq sanatqa sáıkestendiriletin bolady. Al 731 shaqyrymdyq jol ýchaskesi 2 jolaqty II tehnıkalyq sanatqa saı bolmaq.
Qaıta jańartý jumystarynyń aıasynda 6 kópir, temirjoldan ótetin 3 jol ótkeli, jaryqtandyrylǵan 11 jol aıryǵy, 276 qubyr, demalys alańdary salynyp, eldi mekender mańynda avtopavılondar ornatylatyn bolady.
Qazirgi tańda 9970 tekshe metr jer qazý jumystary júrgizilgen. 252 sý ótkizgish qubyr men 22 mal ótkeli salyndy. Sondaı-aq, 159 shaqyrymǵa qum men qıyrshyq tasty qospadan jasalǵan joldyń tóseme qabaty, 130 shaqyrymǵa jol tabanynyń tómengi qabaty, 118 shaqyrymǵa iri túıirshikti asfalt betonnan jasalǵan jol tabanynyń joǵarǵy qabaty, 93 shaqyrymǵa jol jabynynyń tómengi qabaty tóseldi. Jol ótkelderi, kópirler men jol aıryqtary sııaqty 25 nysannyń qurylysy da qarqyndy júrgizilýde.
Jalpylaı alǵanda, qaıta jańartý jumystaryna jol-qurylys tehnıkasynyń 3 myńǵa tarta birligi men 5 myńǵa jýyq maman jumyldyrylǵan. 2020 jyldyń sońyna deıin atalmysh jol boıynda qozǵalys ashylady dep josparlanýda. Tasjol 2022 jyly paıdalanýǵa berilmek.
Qurylys jumystaryn «CITIC Cinstruction Co.Ltd» JShS, «K-Dorstroı» JShS men «Todini Central Asia» JShS júrgizýde. Jumystardyń sapasyn baqylaýdy «GK INJINIRIG» jáne «ZS Enginering» jaýapkershiligi shekteýli seriktestikteri júzege asyrady dep habarlady IIDM baspasóz qyzmeti.
