Búgin atalǵan jumysshy toby Taraz qalasynyń aýmaǵynda ornalasqan 11 orta jáne shaǵyn sýpermarketterdi aralap, olardaǵy áleýmettik mańyzy bar azyq-túlik taýarlarynyń shekti bólshek baǵalarynyń oryndalýyna qadaǵalaý júrgizdi. Olardyń qatarynda, qala aýmaǵyndaǵy «Korvet», «Ýmka», «AsMol», «Raýan», «Dostyk Market», «Orda», «Juldyz», «Okey», «Demenýr», «Sabına» jáne «LUX» sııaqty saýda núkteleri bar. Nátıjesinde, jumysshy toby aralap shyqqan barlyq dúkenderde tazartylǵan kúrish, qaraqumyq, taýyq jumyrtqasy jáne kúnbaǵys maıynyń baǵalarynyń shekti baǵadan asqan derekteri anyqtalǵan.
Taraz qalasy ákimdiginiń málimetinshe, qoldanystaǵy zańnamalarǵa sáıkes, mınıstrlikterdiń birlesken buıryǵymen belgilengen shekti baǵalar boıynsha túsindirme jumystaryn júrgizý barysynda dúken ıeleriniń kelisimimen sol mezette atalǵan taýar túrleriniń baǵalary normatıvtik-quqyqtyq aktige sáıkestendirilgen.
Jambyl oblysy
