«Turǵyndar 4-yqsham aýdanda túngi klýbtyń jumys istep turǵany týraly habarlady. Olardyń belsendiligi úshin rızashylyǵymyzdy bildiremiz. Tekserý nátıjesinde atalǵan mekemeden bizdiń bólimge 30 adam jetkizildi, olardyń altaýy mekemeniń jumysshylary. Klýb qyzmetkerleriniń aıtýynsha, mekeme qojaıynnyń buıryǵymen jumys istep kelgen. Adamdar alkogol iship, bı bılep, qorqor shekken. Álbette, munyń barlyǵy ınfeksııanyń taralýynyń tikeleı sebepshi bolatyn jaǵdaılar. О́kinishke oraı, muny azamattar bile bermeıdi. Biraq karantındi saqtaý sharalary, eń aldymen, ózimizdiń qaýipsizdigimizge baǵyttalǵan. Osyny umytpaǵanymyz jón», – deıdi M.Áýezov aýdandyq polısııa basqarmasynyń bastyǵy Álisher Tursynbetov.
Bostandyq aýdanynyń polısııa qyzmetkerleri de jumys istep turǵan karaoke klýbty áshkereledi. Munda 12 adam bolǵan. Bul jerde kelýshilerge erotıkalyq massajǵa deıin kóptegen qyzmet usynylyp kelgen. Bostandyq aýdandyq polısııa basqarmasynyń bastyǵy Dáýren О́tebaev málimdegendeı, Ustalǵandarǵa qatysty QR ÁQbK-niń 476-baby 6-bólimi boıynsha ákimshilik hattama toltyryldy. Sot sheshimimen olardyń 9-y ákimshilik qamaýǵa alynsa, qalǵandaryna 10 AEK mólsherinde aıyppul salynǵan.
