Atalǵan saraptama kórermenniń fılarmonııada ótetin konsertterge barýy jáne onyń saıtyndaǵy jáne áleýmetitk jelidegi paraqshalaryndaǵy klassıkalyq mýzyka konsertteriniń onlaın kórsetilimin tamashalaýy úshin jasalǵan.
Alǵashqy úzdik bestikke Máskeýdegi memlekettik akademııalyq fılarmonııa, Shostakovıch atyndaǵy Sankt-Peterbýrg akademııalyq fılarmonııasy, Mınskidegi Belarýs memlekettik fılarmonııasy, Almatydaǵy Jambyl atyndaǵy Qazaq memlekettik fılarmonııasy jáne Bakýdegi Múslim Magomaev atyndaǵy Ázerbaıjan memlekettik akademııalyq fılarmonııasy engen. Baǵalaý kezinde fılarmonııanyń tanymaldyǵy men onyń onlaın kórsetiletin konsertterine taldaý jasalyp, sonyń nátıjesi eskerilgen.
«Tereńnen tamyr alǵan óner ujymy Almatynyń ǵana emes, tutas qazaq mádenıetiniń ótkeni men búgininiń aınasy. Qazaq rýhanııatyna qomaqty úles qosqan dara daryn ıeleriniń izi qalǵan ujym halyqty óner káýsarymen sýsyndatyp keledi. Bizdiń ujymdy qoldaǵan barsha óner súıer qaýymǵa alǵystan basqa aıtarymyz joq» deıdi Jambyl atyndaǵy Qazaq memlekettik fılarmonııasynyń baspasóz hatshysy Manar Alıeva.
