Este bolsa, osydan úsh kún buryn álemge dúrbeleń salǵan aty jaman tumaýdyń aldyn alý úshin 18 kúnde salynǵan sý jańa modýldi aýrýhananyń ashylýyna qala ákimi Baqytjan Saǵyntaev qatysqan bolatyn. Medısınalyq mekeme zamanaýı jabdyqtarmen jaraqtalǵan. Dárigerlerdiń qaýipsizdigine de barlyq ońtaıly jaǵdaı jasalǵan.
Aýrýhananyń barlyq palatalarymen bólmeleri zamanaýı jeldetkishpen qamtylǵan. Modýldik keshende palatalarda teris qysym jasaıtyn jeldetý júıesi jumys isteıdi. Atap aıtqanda, vırýsy bar aýa palatadan tys jerge enbeıdi, ol arnaıy zalalsyzdandyrý júıelerine túsedi. Eske salaıyq, aýrýhana 280 tósek-orynǵa eseptelgen. Onda 9 klınıkalyq bólimshe men 28 tósek-oryndyq jansaqtaý bólimshesi bar.
«Keshe keshki saǵat 18.00-den bastap alǵashqy naýqastardy alyp keldi. Onda qazirgi ýaqytta 43 pasıent jatyr. Olardyń ishinde bireýiniń ǵana jaǵdaıy ortasha aýyr dep baǵalanyp otyr. Al, qalǵandarynyń jaǵdaıy qanaǵattanarlyq. Dertiniń aýyrlyq deńgeıine qaramastan, modýldi aýrýhanaǵa COVID-19 ınfeksııasyn juqtyrǵan barlyq naýqas jatqyzylady», – dedi qalalyq Qoǵamdyq densaýlyq basqarmasy basshysynyń orynbasary Ásel Bısenbaeva.
