Otyrys qorytyndysy boıynsha Úkimet rezervinen zardap shekken fermerlerge ekinshi kóktemgi egis jumystary úshin 1,6 mlrd teńge nesıe bólý týraly sheshim qabyldandy.
Sondaı-aq oblystardyń, Nur-Sultan jáne Almaty qalalarynyń ákimdikterine áleýmettik-kásipkerlik korporasııalar esebinen qarajatty Túrkistan oblysynyń fermerlerinen erte pisetin qyryqqabat satyp alýǵa jumsaý týraly tapsyrma berildi.
Esterińizge sala ketsek, Túrkistan oblysynda 10-sáýirde bastalǵan erte pisetin qyryqqabatty jınaý naýqany mamyr boıy jalǵasady. Fermerler egisten 300 myń tonna kóleminde ónim alýdy josparlap otyr.
Tótenshe jaǵdaı kezeńinde aýylsharýashylyǵy taýarlaryn óndirýshiler óz ónimderin ótkizýde birqatar problemalarǵa tap boldy. Olar qyryqqabat ónimderin TMD elderine jóneltýdi josparlaǵan edi, alaıda, dúkender men bazarlardyń jabylýyna baılanysty, atalmysh ónimge degen suranys azaıdy. Osyǵan oraı, Premer-Mınıstr Asqar Mamın zardap shekken fermerlerge qoldaý kórsetýdi tapsyrdy.
