Bul otbasynda vırýs juqtyrǵan 3 eresek balamen qatar, 26 naýryz kúni dúnıege kelgen 1 aılyq sábı de aýyrǵan edi. Qýanyshtysy, búgin Eńbekshiqazaq aýdanaralyq kópsalaly aýrýhanasynan náreste emdelip, anasymen birge úıine barýǵa ruhsat aldy.
- Bala aýrýhanaǵa túsken kezde týǵanyna 18 kún ǵana bolǵan. Sondyqtan erekshe baqylaýǵa alyp, kúndelikti emdeý tásilin dárigerlermen talqylap otyrdyq. Balada em qabyldaý kezinde eshqandaı qıyndyq týǵan joq. Bala anasynyń janynda boldy. Aýrýhanadaǵy 20 kún ishinde 1 keli salmaq qosty. Qazir jaǵdaıy jaqsy, - deıdi aýdandyq aýrýhananyń bas dáriger Jamıla Abeýova.
Sondaı-aq, Eńbekshiqazaq aýdanynda 16 sáýir kúni tirkelgen 2 naýqastyń biri 73 jastaǵy qarııa bolsa, biri 1992 jyly týǵan Esik qalasynyń turǵyny bolatyn. Dárigerler qarııa koronavırýs ınfeksııasynan tolyq emdelip shyqqanyn aıtady.ııı
Al Qaskeleń qalalyq ınfeksııalyq aýrýhanasynda 17 sáýirden bastap em qabyldaǵan Qarasaı aýdanynyń 1971, 1967, 1985 jyly týǵan turǵyndary búgin tolyqtaı jazylyp shyqty.
- Atalǵan eki aýdannyń emdelýshilerine 1 mamyr kúni júrgizilgen qaıta taldaý qorytyndylary teris nátıje kórsetti. Atap ótsek, Eńbekshiqazaq aýdanynda jazylyp shyqqandardyń barlyǵy Rahat aýyldyq okrýgine qarasty «Kóksaı», «Bereke», «Altyn Alma», «Altyn Adam» saıajaılarynyń turǵyndary. Atalǵan saıajaılarda aýrýdyń jańa jaǵdaıy tirkelmegendikten, olardaǵy karantın alynyp tastaldy. Jalpy, COVID-19 ınfeksııasynyń taralýy boıynsha epıdemologııalyq jaǵdaıdyń ózgerýine baılanysty karantın sharalarynyń rejımi men merzimi ózgerýi múmkin. Biraq jalpy karantın talaptary saqtalady-, dep habarlaıdy Almaty oblysy ákiminiń baspasóz hatshysy Ǵalymurat Júkel.
