Tegin taksı bolý da – ońaı sharýa emes. Birinshiden – astyńdaǵy kóligińdi «jumysqa salasyń». Kólik sýmen júrmeıdi, benzın quıý kerek. Ol – eki. Tegin degendi paıdalanyp qalǵysy kelip, beı-bereket habarlasa beretin, razy bolýdyń ornyna buldanatyn, qurmet qylýdyń ornyna mindet qylatyn adamdar taǵy bar. Olarǵa sabyr etý kerek. Ol – úsh. 9 saǵatqa jýyq ýaqytyń ketedi. Ony tórt dep qoıyńyz.
Ramazan da, Meırambek te baılyǵyn qaıda qoıaryn bilmegesin, tegin qyzmet jasap júrgen joq. Nıetteri – eldiń batasyn alý, qasıetti aıǵa qurmet, sol arqyly Allanyń razylyǵyna bólený. Áıtpese bireýi – qarapaıym muǵalim, biri – aýdandaǵy teatrdyń ártisi.
– Saýapty isterińizdi jazaıyq! – degenimizde ekeýi de at-tondaryn ala qashty. Biraq el jastardyń jaqsylyǵyn bilsin, úlgi alsyn degen oımen jarııalap, jazdyq. Attaryn atamaýǵa da bolar edi, biraq Meırambek pen Ramazannyń Orazadaǵy jaqsylyǵyn jarty Jympıty biledi eken.
Eger jigitterge razy bolyp, isterine járdem berem deseńizder, kúndik janarmaılaryn quıyp berýge bolady. Sebebi, olar orazanyń aıaǵyna deıin qyzmet qylmaq.
Baýyrjan ShIRMEDINULY
Batys Qazaqstan oblysy,
Syrym aýdany
