Muhıt Ázirbaev birinshi kezekte «Qarǵaly» yqshamaýdanyndaǵy ózen arnasynyń jumysymen tanysty. Onda turǵyn úılerdi sý baspaýy úshin kanaldardy qalpyna keltirý, sondaı-aq, jaıaý júrginshiler trotýarlaryn ornatý, balalar men sport alańdaryn salý, syrtqy jaryqtandyrý jelilerin júrgizý, kógaldandyrý jumystary júrgizilýde.
– Bul aýdannyń qalaǵa qosylǵanyna kóp bola qoıǵan joq. Munda jeke turǵyn úı qurylysy nysandary kóp, al balalar men sport alańdary, turǵyndardyń demalatyn oryndary tym az. Aýdan halyqtyń ıgiligi úshin osyndaı nysandardy turǵyzý maqsatynda jaqsy daıyndaldy, Eger biz oıymyzdaǵyny túgel sátti júzege asyratyn bolsaq, onda munda turǵyndardyń serýendeýine, jaıly ómir súrýine, ýaqytyn tıimdi ótkizýine arnalǵan demalys oryndary kóp bolady. Al qazir biz bolashaqta osy jumystardy qolǵa alatyn merdigerlerdiń osy aýdannyń qaı jerine qandaı demalys oryndaryn salý kerektigin naqtylap, taǵy bir pysyqtap jatyrmyz, – dep atap ótti Muhıt Ázirbaev.
