Qylmys 20 sáýirge qaraǵan túni jasalǵan. Al dabyl polısııaǵa úsh kúnnen keıin ǵana túsken. Ortalyqtyń qojaıyny keltirilgen shyǵyndy 150 myń teńgege baǵalaǵan.
«Olar dereý arnaıy jedel-tergeý tobyn qurdy, onyń quramyna qalanyń krımınaldyq polısııasynyń qyzmetkerleri de kirdi. Beınebaqylaý kameralarynan derekterdi zerttedi. Úsh adamnyń júrgenin anyqtadyq, olardyń jeke basy bizge jedel-izdestirý sharalarynyń nátıjelerinen belgili boldy. О́tken kúni kúdiktiler Alataý aýdanyndaǵy «Shańyraq» shaǵyn aýdanynda ustaldy. Bostandyq aýdanynyń PB krımınaldyq polısııa men polısııa bóliminiń izdeýshileri jaqsy jumys jasady. Ustalǵandar buryn qaraqshylyq, tonaý jáne bireýdiń múlkin urlaǵany úshin sottalǵan. Qazir olar ýaqytsha ustaý ızolıatoryna qamaldy», – dep habarlady Almaty qalalyq Polısııa departamenti basshysynyń orynbasary Berik Ábilbekov.
Jedelshiler osy úshtiktiń sol “Shańyraq” yqsham aýdanynda ornalasqan azyq-túlik dúkenderindegi úsh urlyqqa qatysy baryn anyqtady.
«Qazirgi ýaqytta basqa qylmystyq epızodtardy anyqtaý boıynsha jedel-izdestirý sharalary júrgizilip jatyr. Sonymen qatar, urlanǵan múlikti taratý arnasyn anyqtaımyz. Tergeý jalǵasyp jatyr», – dedi Ábilbekov.
