«Biz birgemiz» aksııasy boıynsha partııa tóraǵasynyń birinshi orynbasary Baýyrjan Baıbektiń bastamasymen joldanǵan 40 tonna azyq-túlik 1500 otbasyǵa 30 keliden úlestirilip beriledi dep josparlanyp otyr. Oblys ákimi, partııanyń oblystyq fılıaly tóraǵasy О́mirzaq Shókeev gýmanıtarlyq kómekti jetkizgen azamattarǵa rızashylyǵyn bildirip, apat saldaryn birigip joıý kerektigin aıtty. «Elbasy, Nur Otan partııasy árdaıym qıyndyqta eldiń janynan tabylyp, kómek kórsetip keledi. Mine, Nur-Sultan qalasynan arnaıy kómek joldap otyr. Prezıdentimiz Qasym-Jomart Toqaev Maqtaaraldy qalpyna keltirýdi nazarda ustap, qoldaý kórsetip jatqanyn da bilesizder. Qazir bizge qol kúshi qajet. Birneshe baǵyt boıynsha jumys aıqyndalyp jatyr. Evakýasııalyq ortalyqtarda turǵyndarǵa jaǵdaı jasalýy tıis. Osy rette «jasotandyqtar» jastardy, eriktilerdi uıymdastyryp, ortaq iske jumyldyrýy kerek», dedi oblys ákimi. Bul jumystardy úılestirý partııanyń oblystyq fılıaly tóraǵasynyń birinshi orynbasary B.Tájibaevqa tapsyryldy.
Al respýblıkalyq «Jas Otan» jastar qanatynyń tóraǵasy Elnur Beısenbaev kómekke daıyn ekenin jetkizdi. «Partııanyń gýmanıtarlyq kerýenin alyp keldik. Jigitter jumys istep jatyr. Biz ózderińizben, osyndaǵy azamattarmen aqyldasyp, qandaı kómek kerek ekenin baǵdarlaýdamyz. Syr óńirinen, Shymkentten de «jasotandyqtar» keldi», dedi ol. О́z kezeginde Maqtaaraldyq turǵyndar qıyn sátte eldiń qasynan tabyla bilgen jetekshi partııa ókilderine alǵysyn jetkizdi.
Túrkistan oblysy
