Túrkistan oblysy ákiminiń orynbasary Joldymurat Amanbaev, Tólebı aýdanynyń ákimi Baýyrjan Omarbekov, aýdandyq ardagerler keńesiniń tóraǵasy Átirhan Shyńǵysbaev ekinshi dúnıejúzilik soǵysta Jeńiske úles qosqan maıdangerdi jańa baspanasymen quttyqtap, arnaıy syı-sııapat jasady. Buǵan deıin Lengir qalasynda jer úıde bala-shaǵasymen birge turyp kelgen 99 jastaǵy aqsaqal 9 ul-qyzynan 50-ge jýyq nemere, shóbere, shópshek súıip otyr.
Jyl ótken saıyn qatary sırep bara jatqan ardagerlerdi ardaqtaý jáne olardyń erligine taǵzym retinde oblys ákimdigi kómek sharalary men kóptegen jeńildikter jasap keledi. Bıyl Túrkistan oblysynda turatyn 40 soǵys ardageri men 8251 tyl eńbekkerleri men qaza bolǵan jaýyngerdiń jesirlerine jáne 2 blokadalyq Lenıngradtyń turǵynyna tıisti qarjylaı kómek berilýde. Bir rettik materıaldyq kómektiń kólemi 8293 adamǵa 287 810,0 myń teńgeni quraıdy. Onyń ishinde sáýir aıynda 5826 adamǵa 170990,0 myń teńgeniń kómegi tólengen.
