Myrzakent irgesindegi turǵyn úı salý jumystaryn bastaǵan kompanııalardyń biri - «Stroıkonsaltıng» JShS. Qurylys kompanııasy birinshi kezeńde 10 úıdiń qurylysyn maýsym aıynyń aıaǵyna deıin aıaqtaımyz dep otyr.
«Biz búginde 10 úıdiń irgetasyn quıý jumystaryna daıyndyqty bastap kettik. Salynatyn úı kólemi 100 sharshy metr, eni men uzyndyǵy 11-de 11 metr. Qurylys jumystaryna qajetti qol kúshin negizinen Maqtaaral aýdanynyń turǵyndarynan tartyp jatyrmyz. Qurylysshylarǵa jalaqy istegen jumys kólemine saı ári kezeń-kezeńimen toqtaýsyz tólenip otyratyn bolady. Eń basty maqsat - qurylysty sapaly aıaqtap, eldiń ystyq yqylasy men alǵysyna bólený», deıdi kompanııa jetekshisi Talǵat Orazuly.
Alǵashqylardyń biri bolyp jumysqa ornalasqan Myrzakent eldi mekeniniń turǵyny Erdos Basharov qıyn-qystaý kezde jergilikti turǵyn retinde jaqsy istiń basy-qasynda júrýdi azamattyq boryshy sanaıdy. Aýdannyń jumyssyz júrgen jastaryn qurylysqa atsalysýǵa shaqyrady. «Aılyq ýaqtyly tólenedi. Úsh mezgil tamaǵy da fırma atynan tegin qarastyrylǵan. Endeshe, úıde qarap otyrmaı Myrzakentimizdiń ósip-órkendeýine bir kisideı atsalysaıyq», deıdi Erdos Basharov.
Túrkistan oblysy
