18 sáýirde ótýi tıis bolǵan, biraq keıinge qaldyrylǵan UFC 249 týrnıri AQSh-tyń Djeksonvılle qalasynda ótti. Keshtiń basty jekpe-jeginde eki amerıkalyq sportshy Tonı Fergıýson men Djastın Getjı jeńil salmaqtaǵy ýaqytsha belbeý úshin judyryqtasty.
Jekpe-jektiń alǵashqy raýndynda Fergıýson qarsylasyna qaraǵanda kóp soqqy jumsap, kezdesý tizginin óz qolyna aldy. Degenmen ekinshi kezeńde Getjı Tonımen teń dárejede judyryqtasyp, úshinshi raýndta basymdyqqa ıe bola bastady. Kezeńniń orta tusynda Fergıýssondy esengirete jazdady.
Tórtinshi jáne besinshi raýndta qorǵana júrip judyryqtasqan Djastın sońǵy 5 mınýtta Tonıdiń birinshi murnyna, keıin kózine aýyr soqqy jasaǵan soń tóreshi kezdesýdi toqtatýǵa májbúr boldy. Osylaısha aralas jekpe-jek áleminde asa tanymal emes Djastın Getjı áıgili qarsylasyn tehnıkalyq nokaýtpen jeńip ketti. Ol UFC-diń jeńil salmaqtaǵy ýaqytsha chempıony ataǵyn ıelenip, tolyqqandy chempıon ataný úshin Habıb Nýrmagomedovtyń qarsylasy atandy.
