Buǵan deıin bazany toltyrý jylyna tek eki ret, kúzde jáne kóktemde júrgiziletin. Sáıkesinshe, júıedegi aqparat jyl sońyna qaraı ózektiligin joǵaltatyn. Naqty málimet alý úshin ózge uıymdar mektepterge saýal hat joldaýǵa májbúr bolatyn. Endi aqparat 24/7 rejiminde toltyrylyp, jańartylyp otyrady.
– Aıta keterligi, bazaǵa aqparattyń basym bóligin burynǵydaı qolmen engizip otyrý qajet emes. Sebebi Ulttyq bilim berý derekter qory JTMDQ («Jeke tulǵalar» Memlekettik derekter qory) syndy aqparattyq júıelermen ıntegrasııalandy. Sáıkesinshe, belgili bir adamnyń JSN men aty-jónin bazaǵa jazsaq, qajet aqparat shyǵady.
UBDQ men JTMDQ ıntegrasııasy esebinen biz mektepterde 800 myńnan astam oqýshyǵa qatysty derekterdiń qaıtalanýy jaǵdaıyn joıdyq. Bir bala tek bir mektepte tirkelýi tıis. Bul jan basyna qarjylandyrý júıesine kóshken soń erekshe mańyzdy bolyp otyr.
Kópshilikte derbes derekterdi saqtaý týraly suraq týyndaıdy. Biz úshin aqparatty qorǵaý – basymdyqqa ıe. Derekter qory bóten adamdardyń aralasýynan senimdi qorǵalǵan jáne aqparatqa tek ruqsaty bar shekteýli qyzmetkerler sanatynan basqa eshkim qol jetkize almaıdy, – dedi mınıstr.
