Kómek kerýeni jolǵa shyǵar aldynda QHA Tóraǵasynyń orynbasary – Hatshylyq meńgerýshisi Janseıit Túımebaev aqjol tilep, qaıyrymdylyq kómekke atsalysqan etnos ókilderine alǵys bildirgen. Janseıit Qanseıituly óz sózinde etnomádenı birlestikterden túsken qarjy kólemi 23 mln 325 myń teńgeni quraǵanyn jetkizdi. Almatyda 98 tonna kúndelikti turmysqa qajetti buıymdar men hımııalyq zattar, azyq túlik jáne basqa kerek-jaraq jınalsa, Jambyl oblysy Qordaı aýdany 5 mln 500 myń teńgege azyq-túlik jóneltken. Gýmanıtarlyq kómek tıelgen kerýenderdiń jalpy sany - 20 júk kóligin quraıdy. Olardyń ishinde Qazaqstan ózbekteri «Dýstlık» qaýymdastyǵy, Jambyl oblysy Qazaqstan halqy Assambleıasy, Almaty uıǵyr etnomádenı birlestigi, Shymkent qalalyq Qazaqstan halqy Assambleıasy syndy túrli etnos ókilderi bar. Munymen birge Kentaý qalasy Qazaqstan ózbekteri «Dýstlık» qaýymdastyǵynan da kómek kelip jetti.
Myrzashólge jetken kerýendi Túrkistan oblystyq máslıhatynyń depýtaty Qaırat Balabıev, Túrkistan oblysy Qazaqstan halqy Assambleıasy tóraǵasynyń orynbasary-hatshylyq meńgerýshisi Ǵanı Rysbekov pen túrli etnomádenı birlestiktiń tóraǵalary kútip alyp, kómek qolyn sozǵan aǵaıyndarǵa zor alǵystaryn bildirdi.
Túrkistan oblysy
