Keshe Astanada Qazaqstan, Reseı, Belarýs elderiniń úkimet basshylary Serik Ahmetov, Dmıtrıı Medvedev, Mıhaıl Mıasnıkovıch Joǵary Eýrazııalyq ekonomıkalyq keńestiń Úkimet basshylary deńgeıindegi otyrysyn ótkizdi. Otyrysqa Ýkraına men Qyrǵyzstan premer-mınıstrleri Nıkolaı Azarov pen Jantoro Satybaldıev baıqaýshylar retinde qatysty. Otyrysta Keden odaǵy men Birtutas ekonomıkalyq keńistikti odan ári damytýdyń jáne Eýrazııalyq ekonomıkalyq odaqty qurýdyń kún tártibinde turǵan neǵurlym ózekti máseleleri qaraldy.
Keshe Astanada Qazaqstan, Reseı, Belarýs elderiniń úkimet basshylary Serik Ahmetov, Dmıtrıı Medvedev, Mıhaıl Mıasnıkovıch Joǵary Eýrazııalyq ekonomıkalyq keńestiń Úkimet basshylary deńgeıindegi otyrysyn ótkizdi. Otyrysqa Ýkraına men Qyrǵyzstan premer-mınıstrleri Nıkolaı Azarov pen Jantoro Satybaldıev baıqaýshylar retinde qatysty. Otyrysta Keden odaǵy men Birtutas ekonomıkalyq keńistikti odan ári damytýdyń jáne Eýrazııalyq ekonomıkalyq odaqty qurýdyń kún tártibinde turǵan neǵurlym ózekti máseleleri qaraldy.
Otyrystan keıin bolǵan jýrnalıstermen kezdesýde Qazaqstan Úkimetiniń basshysy Serik Ahmetov pen Eýrazııalyq komıssııa alqasynyń tóraǵasy Vıktor Hrıstenko osy jaıynda shaǵyn habarlama jasady.
– Birinshi kezekte aıtatyn másele, búgingi basqosýda Eýrazııalyq ekonomıkalyq odaqty qalyptastyrýǵa negizdelgen ıntegrasııalyq úderisterdi odan ári tereńdetýdiń jekelegen máseleleri qaralyp, sátti sheshimin tapqandyǵyn habarlamaqpyn. Búgingi basqosýdyń negizgi mańyzdy qorytyndysy birtutas kedendik aýmaqqa kirgiziletin azamattyq ushaqtar men astyq kombaındary týraly sheshimge qol qoıylýy boldy. Bul másele kópten beri talqylanyp kele jatqan edi. Atalǵan qujat Keden odaǵy elderine áýe kóligi, aýyl sharýashylyǵy, ónerkásip salalaryn tıimdi damytýǵa múmkindik beredi. Sondaı-aq 2011-2012 jyldary qoldanylǵan Keden odaǵy aýmaǵyna kirgiziletin taýarlarǵa kedendik baj salyǵyn belgileý men bólýdiń tetigi maquldandy. О́ıtkeni, bul tetik óziniń tıimdiligin kórsetti. Osy baǵyttaǵy birlesken jumystardyń bizdiń elderimizdiń arasyndaǵy ıntegrasııalyq úderisterdiń joǵary qarqynmen damyp kele jatqandyǵyn jáne onyń úlken áleýeti bar ekendigin, sonymen qatar, bizdiń elderimizdiń arasynda áriptestik qarym-qatynastardyń búkil áleýeti tıimdi paıdalanylyp kele jatqandyǵyn taǵy bir dáleldedi, dep málimdedi Serik Ahmetov.
Vıktor Hrıstenko óz sózinde basqosý óte tamasha jaǵdaıda ótkendigin málimdedi.
Ádette ıntegrasııalyq úderister tereńdegen saıyn onyń qaralatyn máseleleri de jeńildeı túsedi degen túsinik bar. Degenmen, biz búgingi basqosýda ıntegrasııalyq úderister tereńdegen saıyn qaralatyn máselelerdiń de tereńdep, kúrdelene beretindigin baıqadyq. Osyndaı kezde úsh el arasyndaǵy ortaq túsinistik pen qarym-qatynas áleýetiniń zor ekendigi taǵy bir dáleldendi. Búgingi astyq kombaıny men azamattyq ushaq jóninde ortaq kelisimge kelgenimiz sonyń taǵy bir kórinisi boldy. Onyń ústine álemdi daǵdarys kernep otyrǵandyǵyna qaramastan, úsh el arasyndaǵy saýda kólemi sońǵy 7 aıda taǵy da 3,6 paıyzǵa arta tústi, dep málimdedi Vıktor Hrıstenko.
Suńǵat ÁLIPBAI,
«Egemen Qazqastan».
