Aımaqtar • 14 Mamyr, 2020

Qostanaı qalasy qurylys bóliminiń bastyǵy para aldy degen kúdikke ilikti (vıdeo)

350 ret

kórsetildi

1 mın

oqý úshin

Qostanaı qalalyq ákimdigi qurylys bóliminiń jetekshisi jyljymaıtyn múlik agentiginiń rıeltorynan para aldy degen kúdikke iligip otyr. Qylmysy dáleldense, para bergen agenttik rıeltory da jazadan qashyp qutylmaıdy.

Nurqanat QULABAEV

Qostanaı qalasy qurylys bóliminiń bastyǵy para aldy degen kúdikke ilikti (vıdeo)

Bul týraly búgin ótken onlaın-brıfıngte QR Sybaılas jemqorlyqqa qarsy is-qımyl agenttigi 1-shi departamentiniń erekshe mańyzdy ister jónindegi tergeýshisi Danııar Begaıdarov málim etti.

Tergeýshiniń aıtýynsha, qazir bólim bastyǵy men agenttik rıeltoryna qatysty sotqa deıingi tergeý jumystary júrip jatyr.

Bólim bastyǵy «Nurly jer» baǵdarlamasy boıynsha turmysy tómen otbasylarǵa ýaqytsha qonystanýǵa beriletin páterlerdi jeke tulǵalardan satyp alý týraly memlekettik satyp alý sharttaryn kedergisiz jasap bergeni úshin rıeltordan 800 000 teńge zańsyz syıaqy alǵan. Sóıtip, parany alǵan memlekettik qyzmetshi de, parany bergen rıeltor da tutyldy.

Sybaılas jemqorlyqqa qarsy is-qımyl departamenti baspasóz qyzmetiniń habarlaýynsha, kinásin tolyq moıyndaǵandyqtan kúdiktilerge qatysty ustaý sharasy qoldanylmaǵan. Qazir tergeý júrip jatyr. Sońǵy sheshim sot otyrysynda belgili bolady.