Vıdeo jazbadaǵy janjal, polısııa qyzmetkeriniń turǵyndarǵa qarsy oq atýǵa buıryq bergeni bári kórinip tur.
Oqıǵa 13 mamyr kúni keshkisin Aqsý aýyldyq aýmaǵyna qarasty Qalqaman kentine jaqyn mańda bolǵan.
Turǵyndar men mobıldi bekettegi polısııa qyzmetkerleriniń arasyndaǵy janjalǵa qarapaıym halyq «kúl» dep atap ketken mıkrosfera shıkizatyn tasýǵa ruqsat bermeýi túrtki bolǵan.
Halyqty tynyshtandyrý úshin polısııa qyzmetkeri jasaqqa eskertý oǵyn atýǵa buıryq bergen.
Oblystyq polısııa departamenti bastyǵynyń orynbasary Eldar Ábikenovtyń málimdeýinshe, qazir Qylmystyq kodekstiń 380-baby, 1-bólimine sáıkes sotqa deıingi tergeý bastaldy. Oq atýǵa buıryq bergen polısııa qyzmetkeri qyzmetinen bosatyldy.
Al janjalǵa qatysqandar - Bereke aýylynyń turǵyndary. aýylda 2 myńǵa jýyq halyq turady. Deni 90-shy jyldary elge oralǵan oralman otbasylary.
Bar sebep - aýylda jumys joq. Kún kóris qajet. Sol sebepten 30 shaqyrym jerdegi kólge baryp, elektr stansasynan shyqqan kúldi jınap, kún kóredi.
Aýyldyqtardyń aıtýynsha, naryqtaǵy kúl baǵasynyń 1 kelisi 100 teńge kórinedi.
Turǵyndardyń talaby aýyldy kúzetken arnaıy jasaqtyń bul mańnan ketýin qalaıdy.
Oblystyq polısııa departamentiniń málimetinshe, mal urlyǵynyń aldyn alý maqsatynda jáne «Metallogamma», «NewHantamurNC» JShS qatysty kelip túsken «mıkrosfera» kúl-qoqys shıkizatyn jappaı urlaý týraly málimetke sáıkes, Aqsý qalasyna qarasty Aqjol jáne Bereke aýyldaryna mobıldik post qoıylǵan.
Pavlodar oblysy
