Karantın kezinde Soltústik Qazaqstannyń 8 myńǵa jýyq turǵyny jeke basty kýálandyratyn qujattardy der kezinde resimdeı almady. Olardyń 1700-den astamy 16 jasqa tolǵan oblys turǵyndary, ıaǵnı ózderiniń alǵashqy jeke kýálikterin alýshylar. SQO PD Kóshi-qon qyzmeti basqarmasy atap ótkenindeı, atalǵan azamattarǵa ákimshilik sharalar qoldanylmaıdy. 18 mamyrdan bastap olar Halyqqa qyzmet kórsetý ortalyǵynda qujattaryn resimdeı alady. «Jaramdylyq merzimi tótenshe jaǵdaı kezinde ótken jáne ol toqtatylǵan kúnnen bastap 60 kúntizbelik kún ishinde jeke basty kýálandyratyn qujattar jaramdy dep tanylady. Merzimi ótken qujattardy 10 shildege deıin aýystyrý qajet», - deıdi SQO Kóshi-qon qyzmetiniń basqarmasynyń bastyǵy polısııa podpolkovnıgi Talǵat Ábilov.
13 mamyrda Kóshi-qon qyzmeti ortalyǵy, sondaı-aq kóshi-qon qyzmetiniń aýmaqtyq bólinisteri barlyq sanıtarlyq normalarǵa sáıkes burynǵy rejimde jumys isteı bastady, sonymen birge belgili bir memlekettik qyzmetterdi qaı ýaqytta alýǵa bolatyny kórsetilgen keste jasalǵan.
TJ rejimi kezeńinde belgilengen merzimde elden kete almaǵan sheteldikterge qandaı da bir sharalar qoldanylmaıdy. SQO-da osyndaı jaǵdaıda karantın ýaqytynda 1500-ge jýyq sheteldik qalǵan. Olar 10 shildege deıingi merzimde qosymsha qujattardy resimdemeı-aq Qazaqstannan shyǵa alady. Al Qazaqstanda qalýdy josparlaǵandar óziniń quqyqtyq mártebesin retteýine, onyń ishinde QR-da ýaqytsha turýǵa arnalǵan ruqsatty resimdeı alady. Joǵaryda atalǵan 87 adam sonyń ishindegiler eken.
Soltústik Qazaqstan oblysy
