Sondaı-aq kólshikterdegi balyqtardyń jaramdylyǵyn tekserý úshin Shymkent qalasyndaǵy saraptama ortalyǵyna 3 dana sazan men 1 dana dóńmańdaı túri jóniltilipti. Túrkistan oblystyq orman sharýashylyǵy jáne janýarlar dúnıesi aýmaqtyq ınspeksııasynyń balyq sharýashylyǵy bóliminiń basshysy Sháken Boranbaıdyń málimdeýinshe, mamandar ýlaný faktileriniń aldyn alý boıynsha sý basqan aýyldarda táýlik boıy jumys isteýde. «Saraptama qorytyndysy aldaǵy aptada daıyn bolady. Soǵan deıin turǵyndardyń sarqyndy sýdan balyq aýlaýyna tyıym salynady», deıdi Sháken Boranbaı.
Topan sý kezinde úı janýalarynyń óleksesi kóbeıýine baılanysty osy aýmaqtarda shıbórilerdiń sany kóbeıgen. Osyǵan oraı tegis uńǵyly 12 kalıbrli ańshy qarýy ázirlenip, 300 dana oq-dári satyp alynǵan. Qazirgi ýaqytta aýyldardaǵy shıbóriniń sanyn anyqtaý jumystary júrgizilýde.
Túrkistan oblysy
