Jıynda qalalyq aýyl sharýashylyǵy jáne veterınarııa basqarmasynyń basshysy Asqar Qanybekov sýarylatyn jerlerdiń ırrıgasııalyq ınfraqurylymyn jańǵyrtý máselesi jaıyn baıandady. Basqarma basshysy búginde Shymkentte jalpy uzyndyǵy 241,24 shaqyrymdy quraıtyn 27 kanaldyń bar ekenin atap ótti. Bıylǵy jańaratyn 11 kanaldyń biri uzyndyǵy 10 shaqyrymdy quraıtyn «О́temis» kanaly. Bul sý arnasynda kúrdeli jóndeý jumystary bastalyp ketti. Smetalyq quny 545 mln.tg quraıdy.
Sýarmaly jerlerdiń ınfraqurylymyn jańǵyrtý arqyly agroónerkásiptik keshenniń damýyna aıryqsha serpin beretinin aıtqan qala basshysy ırrıgasııalyq ınfraqurylymdy damytý jáne jańǵyrtý jobalaryn iske asyrýdy tezdetip bastaýdy, sondaı-aq qarajattyń tıimdi ıgerilýine tıisinshe baqylaý júrgizýdi qamtamasyz etýdi tapsyrdy.
Aıta ketý qajet, «Shymkent qalasynyń ózen jáne kanal arnalaryna mehanıkalyq tazalaý boıynsha servıstik qyzmet kórsetý» memlekettik jekeshilik áriptestik jobalary boıynsha 2020-2024 jyldarǵa 850 mln teńge qaralǵan. Iаǵnı, taǵy 16 kanal arnasyn (117,3 shaqyrym) mehanıkalyq tazalaý kózdelip otyr.
Shymkent
