Búginde alqaptaǵy ónimin tegin berýge daıyn dıqandar da barshylyq. Qaıyrymdylyq uıymdary arqyly óńirlerge jóneltip jatqandar da bar. Al kásipker Hýseın Babýrov dıqandardan 500 tonna oramjapyraq satyp alýǵa kelisken. Sóıtip, 200 tonna ónimdi júk kólikterine tıep, Belorýssııaǵa jóneltti. Arnaıy júk kólikterine tıelgen qyryqqabatty Belarýs eline jetkizýge 5 kún ketedi eken. Ol jaqtaǵy qoımaǵa túsken qazaqstandyq ónimdi saýdagerler ózge qalalarǵa jóneltedi. Dıqandar úshin bul da úlken demeý. О́ıtkeni sharýa oramjapyraqty tutynýǵa daıyn kúıine jetkizýmen qatar kókónis tıeıtin traktor, jumysshylarǵa tólenetin jalaqyny eseptegende ár gektarǵa shamamen 1 mln teńge jumsaıdy eken. Shetelge shyǵatyn júk kólikteriniń shyǵyny taǵy bar. Qyryqqabatty tazalap, júk kóligine qalaıtyn jumysshylardyń kúndik jalaqysy 3000-7000 teńge aralyǵynda. Qysqasy, sharýalar úshin byltyrǵyǵa qaraǵanda túsetin kiris az. Degenmen, dıqandar búgingi jaǵdaıda «barǵa qanaǵat» dep otyr.
Aıta ketelik, júk kólikteriniń júrgizýshileri shekaradan esh kedergisiz ótedi. Árıne barlyq talaptar saqtala otyryp, ıaǵnı dene qyzýy mindetti túrde tekseriledi.
Túrkistan oblysy
