Aımaqtar • 17 Mamyr, 2020

Túrkistan: Maqtaaralda ótemaqy tóleý úshin bank kartalary taratyla bastady

157 ret

kórsetildi

1 mın

oqý úshin

Maqtaaral aýdanynda topan sýdan zardap shekken 6128 turǵynǵa 100 myń teńge ótemaqy tóleý úshin «Halyk bank» kartalary taratyla bastady. Osy maqsatta evakýasııalyq pýnkterde mamandar karta úlestirý jumystaryn bastap ketti. Á. Ýsmanovtyń qorynan 5202 otbasyǵa bólinetin 1000 AQSh dollarlyq ótemaqy da osy kartalarǵa aýdarylatyn bolady.

Ǵalymjan ELShIBAI

Túrkistan: Maqtaaralda ótemaqy tóleý úshin bank kartalary taratyla bastady

Túrkistan oblysy qarjy jáne memlekettik aktıvter basqarmasynyń basshysy Abdrahman Tasybaevtyń aıtýynsha, Úkimet rezervinen beriletin 100 myń teńge ótemaqy sý tasqynynan zardap shekken 5 eldi mekende ıaǵnı, Jeńis, Jańaturmys, Ferdaýsı, Dostyq, О́rgebas aýylynda turatyn 846 otbasyndaǵy 6128 turǵynǵa beriletin bolady.

Al, Á. Ýsmanovtyń qorynan 1000 AQSh dollaryn sý basqan joǵaryda atalǵan aýyldardan bólek, evakýasııalanǵan Myrzakent, Aqjol, T. Jaılybaev, Jantaqsaı, Araıly, Nurlytań, Nurlyjol, Shuǵyla eldi mekenderiniń 5202 otbasyna úlestirilmek. Bank kartasyn taratý kezinde koronavırýs indetine baılanysty qabyldanǵan qaýipsizdik sharalaryn qatań túrde saqtaý talap etilgen.