Bul týraly oblystyq aýyl sharýashylyǵy basqarmasy veterınarııalyq sharalardy uıymdastyrý bóliminiń bas mamany Arman Taǵaev О́ńirlik kommýnıkasııalar qyzmetinde ótken onlaın rejımdegi brıfıngte málimdedi.
«Tótenshe jaǵdaıdan kelgen zardaptardy joıý maqsatynda oblystyq aýyl sharýashylyǵy basqarmasy, Maqtaaral aýdandyq aýmaqtyq ınspeksııasy jáne Maqtaaral aýdandyq «Veterınarııalyq qyzmeti» ókilderinen arnaıy komıssııa qurylǵan bolatyn. Jumys barysynda mal ólekseleriniń sany anyqtalyp, onyń kópshiligi О́zbekstannan aǵyp kelgeni belgili boldy. Qazirgi tańda mal shyǵyny tolyǵymen eseptelip, nátıjesinde 10,6 mln teńge oblystyq qordan tóleý joldary qarastyrylýda», – dedi A.Taǵaev.
Topan sý basqan aımaqtarda aýrýdyń taralýyn boldyrmaý maqsatynda 1 018,5 myń sharshy metr aýmaq zalalsyzdandyrylǵan. Bul jumystardy atqarýǵa 39 maman men 16 tehnıka jumyldyrylypty. Sondaı-aq aýdanda veterınarııalyq qaýipsizdikti qamtamasyz etý úshin ólekseden tazartylǵan aýmaqtardy 3 paıyz kaýstıkalyq sodamen zalalsyzdandyrý jumystary júrgizilýde.
Túrkistan oblysy
