Tótenshe jaǵdaı kezinde sybaılas jemqorlyqqa qarsy kontenttiń úzdiksiz taratylýy onlaın rejimde qamtamasyz etildi. Respýblıka boıynsha aqparattyq-aǵartý jumystary áleýmettik jelilerge (facebook, instagram) baǵyttalǵan, aqparattyq-aǵartý shtabynyń (budan ári – AASh) resmı paraqshalary ashylyp, onda apta saıyn shtab músheleriniń úndeýleri jarııalandy. Búgingi tańda sybaılas jemqorlyqtyń aldyn-alý jáne parasattylyq mádenıetin qalyptastyrý boıynsha 193 myń adamdy qamtyǵan 581 tikeleı efır uıymdastyryldy.
Respýblıkalyq aqparattyq-aǵartý shtabynyń uıymdastyrýymen aǵymdaǵy jyldyń 9 sáýiri men 1 mamyry aralyǵynda respýblıkada alǵash ret onlaın rejimde «ANTIKOR aıtys» ótti. «ANTIKOR aıtysqa» respýblıkanyń ár aımaǵynan 16 sýyryp salma aqyn qatysty, olardyń arasynda halyqaralyq jáne respýblıkalyq aıtystardyń jeńimpazdary men júldegerleri bar.
Kórermender baıqaýdy shtabtyń áleýmettik jelilerdegi resmı paraqshalarynan tamashalady. Baıqaýdyń nátıjesi 1 mamyrda onlaın daýys berý jáne ádilqazylar alqasynyń paıyzdyq úlesteri arqyly shyǵaryldy.
Agenttiktiń «Adal kómek» jobasy aıasynda tótenshe jaǵdaı jarııalanǵannan beri shamamen 500 myńnan astam adamdy qamtyǵan 250-ge jýyq tikeleı efır taratyldy. Qazirgi ýaqytta joba kýratory, tanymal zańger, QR Prezıdenti janyndaǵy Ulttyq qoǵamdyq senim keńesi múshesi, adam quqyqtary jónindegi sarapshy Aıman Omarovanyń jekelegen aımaqtardyń turǵyndary úshin jeke zańdy keńesteri josparǵa sáıkes apta saıyn ótkiziledi.
«Antikor.Live» jobasynyń aıasynda tótenshe jaǵdaı kezinde Agenttik pen onyń aýmaqtyq departamentteri, «Adaldyq alańy» jobalyq keńseleri tanymal áleýmettik jelilerde 900 tikeleı efır uıymdastyryp, olardyń qaralymy 700 myńǵa jetti.
Sapaly kontent pen naqty aqparatty taratý úshin memlekettik organdardyń birinshi basshylary men túrli sala mamandarynyń arasynan 722 syrtqy sarapshy-spıkerler shaqyryldy.
Agenttiktiń arnaıy monıtorıng toby (budan ári – AMT) qoǵamdyq ınstıtýty sybaılas jemqorlyqqa qarsy tıimdi tetikterdiń biri bolyp sanalady. Tótenshe jaǵdaı kezinde AMT tosqaýyl beketterdiń karantın talaptaryn saqtaýyna turaqty túrde monıtorıng júrgizip otyrdy. Bul jumys azamattardyń ómir súrýin qamtamasyz etýge baǵyttalǵan júk tasymaly salasyndaǵy sybaılas jemqorlyq táýekelderin jáne ákimshilik kedergilerdi joıý maqsatynda júzege asyryldy. Bul jumystardyń barlyǵy áleýmettik jelilerde keńinen jarııalandy.
Barlyq aımaqtarda áleýmettik mańyzdy nysandarda qajetti taýarlarǵa jáne olardyń baǵasyna monıtorıng júrgizildi. Sonymen birge, qoǵamdyq belsendiler epıdemııaǵa qarsy is-sharalardy qoldaýǵa bólingen qarjynyń jumsalýyna, sondaı-aq koronavırýspen kúresýge qajetti dári-dármekter men jabdyqtardy satyp alýǵa qoǵamdyq baqylaý júrgizdi.
Batys Qazaqstan oblysynyń AMT músheleri men jergilikti kásipkerlerdiń aralasýynan keıin medısına qyzmetkerleriniń oblys ortalyǵynyń qonaq úılerinde turý máselesi oń sheshimin tapty.
Qoǵamdyq pikirdiń kóshbasshylary retinde AMT muqtaj azamattarǵa qoldaý kórsetý boıynsha kóptegen qaıyrymdylyq jumystaryn júrgizýde. Búgingi tańda 10 myńnan astam otbasy tótenshe jaǵdaı kezinde azyq-túlikpen qamtamasyz etildi.
Respýblıkalyq AMT múshesi R.Kıbke «Sybaılas jemqorlyqqa qarsy karıkatýra» taqyrybynda mektep oqýshylaryna arnalǵan onlaın sýretter baıqaýyn ótkizdi. Qazirgi ýaqytta ınstagram áleýmettik jelisinde onlaın daýys berý júrip jatyr. Bul tájirıbeni taratýdy usyndyq.
Sonymen qatar, AMT-niń respýblıkalyq jáne aımaqtyq qurylymdary únemi tikleı efırge shyǵyp, karantın kezindegi áreketterdiń algorıtmderin túsindirdi jáne halyqqa quqyqtyq kómek kórsetti. Olardyń ishinde belsendi blogerler men sarapshylar, mysaly, T.Berdońgar, R. Oshaqbaev, R. Gasanov, A.Assandı, B. Bazarbek, A. Jeksen jáne basqalar bar.
COVID-19 pandemııasynyń taralýyna jáne elde tótenshe jaǵdaıdyń engizilýine baılanysty kásipkerler óz qyzmetin júzege asyrýda ákimshilik kedergilerge tap boldy. Máselen, óńirlerde azamattardyń qatysýymen avtomobılderdiń oblystyq mańyzy bar qalaǵa (aýdanǵa) kirýi men shyǵýyn baqylaıtyn tosqaýyl beketter ornatyldy.
О́ńirlerde kásiporyndar óz avtokólikteri men jumysshylaryn tirkeı alatyn júıeler iske qosyldy, biraq bul júıeni júzege asyrýda qıyndyqtar týyndady. Bul másele «PROTECTING BUSINESS AND INVESTMENTS» jobasy aıasynda sheshimin tapty. Máselen, Almaty qalasyndaǵy «JPL2» IP (tamaqtandyrýdy uıymdastyrýmen aınalysady), «Policonnect» JShS (tutynýshylyq taýarlardy qalaaralyq jedel tasymaldaýmen aınalysady), «INVAMED» JShS (medısınalyq jabdyqtar, medısınalyq tósekter men medısınalyq jıhazdar óndirýmen aınalysady), Qaraǵandy oblysynda «Qaraǵandy farmasevtıkalyq kesheni» JShS (ımmýnobıologııalyq, bıofarmasevtıkalyq jáne túpnusqalyq dári-dármekter óndirisine mamandandyrylǵan), «Qaraǵandy qalasyn zalalsyzdandyrý» JShS, Soltústik Qazaqstan oblysynda «Golýb» JK (nan-toqash ónimderi) joǵaryda atalǵan tirkeý júıesinde máselelerge tap boldy. Osyǵan oraı, kəsiporyndar agenttiktiń aýmaqtyq departamentterindegi «PROTECTING BUSINESS AND INVESTMENTS» aımaqtyq jobalaryna júginip, óz máselelerin tez sheshti.
Memlekettik organdardyń ashyqtyǵy aıasynda oblystarda 1700 jýyq «open space», front keńseler jáne servıstik ákimdik ashyldy.
Jalpy 855 – «open space», 584 front-keńseler, 253 qalalyq, aýdandyq jáne aýyldyq ákimdikterde servıstik ákimdik ashyldy. 2020 jyly 176 – «open space», 79 – front-keńseler, 83 – qalalyq, aýdandyq jáne aýyldyq ákimdikterde servıstik ákimdik ashyldy.
Kósh bastap kele jatqan ákimdikter: Shyǵys Qazaqstan, Batys Qazaqstan, Pavlodar jáne Almaty oblystary.
О́zara árekettesýdiń onlaın formaty aıasynda ortalyq apparat deıgeıinde «Antokornews» jańalyqtar baǵdarlamasy qazaq jáne orys tilderinde 8 shyǵarylym shyqty. Sondaı-aq, 9 onlaın brıfıng pen 30 onlaın suhbat uıymdastyryldy. Atalǵan is-sharalar agenttiktiń Facebook-tegi resmı paraqshasynda tikeleı efırde kórsetildi. Sonymen qatar, bul is-sharalardyń beınejazbasy ázirlenip, óńdelgen beınejazba agenttiktiń resmı YouTube-kanalyna ornalastyryldy jáne buqaralyq aqparat quraldarynda taratyldy.
Atalǵan is-sharalarǵa tanymal tulǵalar qatysty. Agenttiktiń qoǵammen jumysynyń tıimdiligi azamattardyń agenttikke joldanǵan alǵys hattarymen rastalady. Alǵystar kásipkerlerden, memlekettik qyzmetshilerden, kvazımemlekettik sektordyń ókilderinen, oqytýshylardan, stýdentterden jáne basqa azamattardan túsýde.
2019 jyldyń shildesinde úsh jyl boıy turǵyn úı kezegin qalpyna keltirýdi izdegen jáne sot sheshimderin oryndamaý faktilerine tap bolǵan astanalyq turǵynnan hat keldi. Bir aılyq tekserýden keıin onyń kezegi qalpyna keltirilip, páterge qol jetkizdi.
2019 jyldyń 15 mamyrynda agenttik tóraǵasynyń jeke elektrondyq poshtasyna vedomstvo qyzmetkerleriniń tórt stýdentke shetelde oqýǵa grant baıqaýyna qatysý quqyǵyn qalpyna keltirýge kómekteskeni týraly hat keldi.
Agenttikke sheteldik kompanııalardyń ókilderi de júginýde
2019 jyldyń qyrkúıeginde agenttikke sheteldik ınvestordan rızashylyq haty keldi. Sybaılas jemqorlyqqa qarsy qyzmet qyzmetkerleri salyq organdarynyń jalpy somasy 353 mln teńgeden asatyn kedendik tólemder, salyqtar men ósimpuldardy durys eseptemeýi máselesin sheshýge kómektesti.
Keri baılanys aımaqtardaǵy sybaılas jemqorlyqqa tap bolǵan qoǵamdyq birlestikterden keledi. 2018 jyldyń qazan aıynda Aqmola oblysynyń bir aýylynyń ardagerleri atynan hat kelip tústi. Ardagerler jergilikti ákimshiliktiń aýyldar arasyndaǵy joldy jóndeýge bólingen 289 mıllıon teńge kólemindegi bıýdjet qarajatyn basqa maqsattarǵa ıgergenin jazǵan. Sybaılas jemqorlyqqa qarsy qyzmettiń osy iske aralasýynan keıin jol jóndeý jumystary iske qosyldy.
Sybaılas jemqorlyqqa qarsy qyzmette azamattardyń senimi – tıimdilikti baǵalaýdyń basty ólshemi. Sondyqtan, agenttikke óz máselelerin sheshýge senim bildirgen azamattardyń ótinishteri, sondaı-aq olarmen keri baılanys agenttik qyzmetiniń mańyzdy kórsetkishteri bolyp tabylady.
Sybaılas jemqorlyqqa qarsy qyzmet jumysynyń nátıjesinde jyl saıyn ótinishter sany artyp keledi. 2016 jyly 18 608 ótinish, 2017 jyly – 20 352, 2018 jyly – 22 097, 2019 jyly – 26 866 ótinish tústi.
Agenttiktiń aralasýynyń arqasynda mundaı daýly máseleler únemi sheshimin taýyp otyrady. Vedomstvo azamattarǵa bildirgen senimderi úshin alǵys bildiredi jáne barlyq sybaılas jemqorlyq faktileri týraly 1424 nómiri boıynsha Call-ortalyǵyna habarlasýdy suraıdy.
