Aımaqtar • 23 Mamyr, 2020

Maqtaaral: Myń dollarlyq ótemaqyny 1308 otbasy aldy

190 ret

kórsetildi

1 mın

oqý úshin

Túrkistan oblysy Maqtaaral aýdanyndaǵy sý tasqynynan zardap shekken turǵyndarǵa Á.Ýsmanov qorynan 5 mln 202 myń AQSh dollary 5202 otbasynyń (30 420 adam) esepshottaryna aýdarylady. Búginde bul qarjyny 1308 otbasy alyp úlgergen. Turǵyndarǵa búgingi tańda 4638 bank kartasynyń 90 paıyzy taratyldy. Qalǵan otbasylarǵa qarjy aldaǵy ýaqytta aýdarylatyn bolady. Bul týraly Nur Otan partııasynyń Túrkistan oblystyq fılıaly tóraǵasynyń birinshi orynbasary Beısen Tájibaevpen ótken tikeleı efırde oblystyq qarjy basqarmasynyń basshysy Ábdirahman Tasybaev málimdedi.

Ǵalymjan ELShIBAI

Maqtaaral: Myń dollarlyq ótemaqyny 1308 otbasy aldy

«Á.Ýsmanov qorynan aýdarylatyn 1 myń AQSh dollar ótemaqyny Maqtaaral aýdanyndaǵy 2 aýyl okrýginde ornalasqan 13 aýyldyń turǵyndary alady. Atap aıtqanda, Eńbekshi aýyl okrýgindegi: Myrzakent, Jańaturmys, T.Jaılybaev, Nurly tań, Shuǵyla, Jantaqsaı aýyldary jáne Jańajol aýyl okrýgindegi: Nurly jol, Jeńis, Fırdoýsı, Dostyq, О́rgebas, Araıly Aqjol aýyldary. Turǵyndardan artyq qujat talap etilmeıdi, meken-jaı anyqtamasy ne aýyl turǵyny ekenin rastaıtyn qujat bolýy qajet», - dedi basqarma basshysy.

Maqtaaral aýdanyndaǵy sý basqan Jańaturmys, Jeńis, Fırdaýsı, Dostyq, О́rgebas eldi mekenderinde turatyn ár otbasyǵa Úkimettiń rezervinen 100 myń teńgeden beriledi. Bul maqsatta Úkimetten 650 mln teńge bólinip otyr. Ol aýdan ákimdiginiń málimetine sáıkes, 846 úıdiń 6128 adamyna tólenetin bolady.