Búginde qurylys alańynda irgetas oryndary daıyndalyp jatyr.
Qor atynan buǵan deıin kómek retinde 20 tonna azyq-túlik kelgen bolatyn. Sondaı-aq, «Salıqaly urpaq» qory sýdan zardap shekken jaǵdaıy tómen 100 otbasyǵa 100 myń teńgeden úlestirmek. Balalarǵa bazarlyq retinde kópbalaly jáne az qamtylǵan otbasylardan shyqqan 20 oqýshynyń Almaty oblysyndaǵy jazǵy lagerlerde demalýyna múmkindik jasaıtyn bolady.
Al 20 úıdiń qurylysy «Salıqaly urpaq» qorynyń resmı ókili Nurlan Baıymbetovtiń aıtýynsha, aldaǵy shilde aıynyń sońynda tolyq aıaqtalyp, turǵyndarǵa kilti tabystalady. Qurylys jumystaryn jergilikti «Nur el» jáne «Tineı-qurylys» kompanııalary júrgizýde.
