«Bıyl mektepti támamdap jatqan túlekterge arnaıy toqtalǵym keledi. Árkim óz bolashaǵynyń jarqyn bolǵanyn qalaıdy. Táýekelge barý arqyly ǵana ár adam ózi armandaǵan mamandyqtyń ıesi bola alady. Múmkindikterdi paıdalana bilý kerek. Aldan betten qaıtpaý óte mańyzdy ekenin óz ómirimnen bilemin. Máselen, men mektep bitirgende birden grantqa túse almadym. Odan uıalýdyń eshqandaı qajeti joq. Men bir jyl taǵy daıyndalyp, testini qaıta tapsyramyn dep sheshim qabyldadym. Jyl on eki aı tabandylyqpen daıyndalyp, kelesi jyly armandaǵan grantqa qol jetkizdim. Jaqynda basym kópshiligińiz UBT tapsyrasyzdar. Bul – jaı ǵana synaq, onyń ústine ómirlerińizdegi eń jeńil emtıhannyń biri. Aınalańyzdaǵy adamdar qolyńyzdan eshteńe kelmeıtinin aıtsa da, tabandylyq pen qajyrly eńbek nátıjege qol jetkizetinin esten shyǵarmańyzdar. Nátıje qatelikpen keledi, qatelesýden qoryqpańyzdar», dedi mınıstr.
