«Aqualand» basseıni aýmaǵynda ınvestorlar tarapynan dámhana, meıramhana syndy kásipkerlik oryndar da salynady. Ashyq alańda salynǵan joba jelilik saıabaq quramynda iske asqan. Jýyq arada paıdalanýǵa beriletin, B. Sattarhanov dańǵyly boıynda salynyp jatqan basseın jumysymen qala ákimi Rashıd Abatuly tanysty. Sonymen qatar, qala ákimi shahardy aralaý barysynda ortalyq avtovokzalda karantın rejımi talaptaryna qaramastan, qozǵalys jasamaq bolǵan «stareks» kólikterin baqylap, polısııa qyzmetkerlerine qadaǵalaý jasaýdy tapsyrdy. Qazirgi jaǵdaıǵa baılanysty qalaaralyq jáne aýdanaralyq qatynasqa tyıym salynǵany belgili bola tura, qozǵalys jasamaq bolǵandarǵa shara kóriledi.
Al, «Kerýen Saraı» kesheniniń qurylys qarqyny talapqa saı júrgizilýde. Ejelgi shyǵys bazarynyń kelbetin kórsetetin aýmaq bıyl paıdalanýǵa beriledi.
Túrkistan oblysy
⠀
