«Senimdilik sındromy»: Áriptesterin ajal qushtyrǵan burynǵy polısııa qyzmetkeri

О́kinishke qaraı, birer kún buryn bul san taǵy da ósti. Almaty qalasy men Almaty ob­ly­sy aýmaǵy arasyn toǵysty­ra­tyn baqylaý-ótkizý beketin kúze­tip turǵan qos birdeı tár­tip saqshysy qyzmet babynda kóz jumdy. Eń soraqysy, ishim­dikke sylqııa to­ıyp alyp, aıdyń-kúnniń amanynda qos otba­synyń oıranyn shyǵarǵan kúdik­ti burynǵy polısııa qyzmet­keri bolyp shyqty. Bul bizdiń qo­ǵamda «qarǵa qarǵanyń kózin shu­qy­maıdy» degen sóz senim­dilik sındromyna aınalyp bara jat­qanyn kórsete me?

Muny aıtyp otyrǵanymyz, mas kúı­de kólik tizginine otyrý zań­ǵa da, arǵa da syımaıtyn qy­lmys ekenin bile tura, ózgeniń ómirin oıynshyqqa aınaldyr­ǵan­darǵa tereń túısik berse deısiń. Bul tek bir salanyń mamandaryna ǵana qatysty aıtyla salǵan  dúnıe emes. «Kóseýi uzynnyń qo­ly kúımeıdi», dep ádiletten at­tap ótý ádetke aınalmaǵany durys-aq.

Oqıǵaǵa oralaıyq. 25 mamyr kúni uıqydan oıanǵan alma­ty­lyqtar men barsha el turǵyndary túrli saıttar men áleýmettik jelide qatty soqqy saldarynan qalbyrdaı búktetilip, saý-tamtyǵy qalmaǵan polısııa kóligin kórip jaǵa ustady. Oqıǵa oryn alǵan kúni quzyrly oryn taratqan málimetke súıensek, jantúrshigerlik jaǵdaı bylaısha órbigen.

Dál osy kúni tańǵy saǵat 05:26-da Almaty oblysy, Qarasaı aýdany, Kóksaı aýylyndaǵy Kojabekov kóshesimen soltústik baǵytta «BMW» jeńil kóligimen júıtkigen 1992 jylǵy Almaty qalasynyń turǵyny Jańa Ǵasyr kóshesimen qıylysqan tusta ornalasqan №4 blok-bekettiń beton qorshaýyna asa qatty jyldam­dyqpen soǵylǵan. Kólik ınersııamen keri serpilip, jyraqta turǵan patrýldik kólikti janshyp, onyń ishinde bolǵan qos birdeı polısııa qyzmetkeri Jalǵas Janǵazıev pen Dastan Ábdiqanov aýyr jaraqat alǵan. О́kinishke qaraı, ol ekeýiniń de ómirin saqtap qalý múmkin bolmady. Adam ólimine ushyratqan soqqynyń joıqyn bolǵanyn tas betonnyń qaq jarylǵanynan ańǵarýǵa bolady. Polısııa aǵa leıtenanty Jalǵas Janǵazıev «Jedel járdem» kelgenge deıin oqys oqıǵa ornynda qaıtys bolsa, eń jaqyn mańdaǵy aýrýhanalardyń birine jetkizilgen polısııa serjanty Dastan Ábdiqanov es jınamaǵan kúıi ómirden ozdy. Al osy mezette syrttaǵy kólikterdi tek­serip júrgen úshinshi polıseı ǵaıyptan taıyp aman qaldy. Degen­men, ol da jaraqat alǵan.

Eki birdeı otbasyn qara jamyl­dyrǵan orny tolmas qaıǵyǵa qala ákimi Baqytjan Saǵyntaev, Ishki ister mınıstri Erlan Turǵymbaev bastap kóńil aıtty. Oqıǵa ornynda jan tapsyrǵan Jalǵas Janǵazıev 1978 jyly Batys Qazaqstan oblysynda dúnıege kelgen. Quqyq qorǵaý organdarynda 2001 jyldan bastap qyzmet etken. Úılengen, eki qyz tárbıelep otyrǵan áke. Al jasy endi ǵana jıyrma altyǵa tolǵan Dastan Ábdiqanov Almaty qalasynyń týmasy. Aýrýhana bólmesinde demi taýsylǵan azamattyń artynda jary men bir aılyq balasy qaldy.

Joǵaryda aıtqanymyzdaı, apatty jaǵdaıǵa kináli dep tanylǵan jeńil kóliktiń ıesi mas kúıde bolǵan. Atalǵan fakti boıynsha sotqa deıingi tergeýge alynǵan ol buǵan deıin polısııa qyzmetkeri bolǵan degen aqparat tarady. Artynsha bul aqparatty Almaty qalalyq polısııa departamenti de rastady. Qalanyń bas polıseıi Qanat Taımerdenovtiń aıtýynsha, jeńil avtokólik ıesi buryn quqyq qorǵaý organdarynda qyzmet etkenimen, óz mindetine nemquraılyq tanytqany úshin jumystan bosatylǵan.

– Ol polısııada alty jyl qyzmet etti, qyzmettik mindetterin tıisinshe oryndamaǵany úshin tórt birdeı tártiptik jaza aldy. Bul onyń ishki ister organdarynan ketýine sebep boldy. Biraq odan keıin de ózi úshin durys qorytyndy jasaı almady. Zańdy buzyp, rýlge mas kúıinde otyryp, qylmys jasady. Onyń ústinen «Adam óltirý» baby boıynsha qylmystyq is qozǵalyp otyr, – dedi Qanat Taımerdenov.

Degenmen, jelide jeldeı esken taǵy bir másele jurtty eleń etkizdi. Bir mıllıonnan astam oqyrmany bar «Za tebıa Báke» tanymal tobynyń ınstagramdaǵy paraqshasynda qaza tapqan polısııa serjanty Dastan Ábdiqanovtyń jubaıy Dınaranyń: «Kúdiktiniń polısııadaǵy qyzmetinen buǵan deıin shettetilgeni shyndyqqa janaspaıdy. Ol kúni keshege deıin quqyq qorǵaý salasynda meniń joldasymmen birge jumys istep keldi, birge túngi aýysymǵa kezekshilikke túsip júrdi. Meniń bul sózimdi ekeýine tamaq jasap bergenim qýattaıdy. Men ony jaqsy tanımyn. Oqıǵany basqasha sıpatta kórsetip, jasyryp-jabýdyń qajeti joq», degen saryn­daǵy jazbasy jarııalanǵan bolatyn. Máseleniń mán-jaıyn anyqtaý úshin Dınaradan pikir alý múmkin bolmady. Qara jamylyp otyrǵanda qazbalap suraý taǵy qıyn nárse ekeni aıtpasa da túsinikti. Tergeý barysynda oqıǵanyń sebep-saldary áli de anyqtalyp, ádil tarazylana jatar.

Aıdaı álemge aýyz salǵan koronavırýs pandemııasyna baılanysty engizilgen karantın kezinde Alma­tydaǵy blok-bekette polısııa óki­lin kólikpen qaǵý jaǵdaıy buǵan deıin de tirkelgen edi. Quzyrly oryn­nyń baspasóz qyzmeti 30 sáýir kúni sha­hardyń Medeý aýdanynda or­na­las­qan qaqpalardyń birinde jeńil kólik tizgin­degen egde jastaǵy azamat polı­sııa qyzmetkerin qaǵyp ketkeni týraly málimdegen bolatyn. Aby­roı bolǵanda, polıseı aýyr jaraqat al­ǵan joq. Este bolsa, dál osyndaı oqıǵa 13 mamyrda Shymkent qala­sy­na kire­be­ristegi blok-bekette de tirkelgen.

26 mamyr kúni Memleket basshysy Qasym-Jomart Toqaev qyzmettik mindetin atqarý kezinde qaza bolǵan marqumdar Jalǵas Janǵazıev pen Dastan  Ábdiqanovtyń aıaýly beınesin máńgi este saqtaý maq­satynda «Aıbyn» ordenimen marapat­tady. Olardyń otbasy men jaqyn­daryn jan-jaqty qoldaý sharalary da qolǵa alynyp jatyr. Biz de óz kezeginde qyrshyn ketken azamattardyń jaqyndaryna qaıǵyra kóńil aıtamyz.

Ýaqyt óter, bári umytylar, biraq dúnıe esigin asha salyp ákeden aıyrylǵan jetimderdiń kóz jasyn kim qurǵatady?! Osy suraq sóz basynda biz tilge tıek etken erkinsý men elirý, ózgeniń ómirine jaýapsyzdyq tanytýdyń túbi jaqsylyqqa jetkiz­beıtinin taǵy bir dáleldep turǵandaı.

ALMATY