Avtokólik joldarynyń sapasy men qaýipsizdigin arttyrý jáne bıýdjet qarajatynyń tıimdi jumsalýyn qadaǵalaý, jańa tóselgen joldar sapasyna qoǵamdyq baqylaýdy kúsheıtý maqsatyndaǵy zerdeleý jumystaryna Departament basshysynyń birinshi orynbasary Mıras Qarǵabaı, oblystyq jolaýshylar kóligi jáne avtomobıl joldary basqarmasy basshysynyń orynbasary M.Sansyzbaıuly, arnaıy monıtorıngtik top músheleri, Báıdibek aýdanynyń ákimdigi men oblystyq «Ulttyq jol aktıvteri sapasy ortalyǵynyń» mamandary, jaýapty merdiger kompanııanyń basshylary, sondaı-aq aýyl turǵyndary qatysty.
Zerdeleýdiń nátıjesinde Ekpindi - Shaıan oblystyq deńgeıdegi jáne Shaldar aýyly aýdandyq mańyzy bar joldyń tóselimi smetalyq qujatqa saı ekeni, al Báıdibek ata aýylynda jol sapasy saı kelmeıtindigi anyqtaldy.
Jańa salynǵan joldardan birqatar aqaýlar baıqaǵan sala mamandary anyqtalǵan kemshilikter boıynsha merdiger mekemelerge akt túzip, kompanııa basshylaryna qaıta jóndeýden ótkizý boıynsha usynys bildirdi.
Túrkistan oblysy
