О́ńirlik kommýnıkasııalar qyzmetinde ótken brıfıngte Túrkistan oblysynyń bilim salasynda sapany qamtamasyz etý departamentiniń dırektory Baqytjan Muhamedjanov mekeme tarapynan barlyq bilim berý uıymdarynda zań qaǵıdattaryn saqtalýy baqylaýǵa alynatynyn málimdedi. «Orta bilim berý uıymdarynyń muǵalimderi oqý jylynda 4 qujat daıyndaıtyn bolsa, qazir kúndelikti eki qujatty ǵana júrgizedi. Eger muǵalim tálimger bolsa, oqý jyly basynda jas mamanmen jumys josparyn daıyndaıdy. Buıryq boıynsha synyp jýrnaly tek elektrondyq formatta toltyrylady. Keıbir bilim berý uıymdarynda elektrondyq jýrnalmen qosa qaǵaz túrinde de júrgiziledi. Atalǵan buıryq ustazdardy artyq qaǵazbastylyqtan bosatyp, tikeleı qyzmettik mindetterimen aınalysýǵa múmkindik beredi, ıaǵnı bilim sapasyn kóterýdi, balalarmen jeke jumys júrgizýdi joǵary deńgeıde qalyptastyrýǵa múmkindik beredi», - dedi departament basshysy.
Muǵalimderdiń kásibı mindetterine kirmeıtin jumys túrlerine tartý, qyzmettik mindetinde qamtylmaıtyn máseleleri boıynsha aqparat nemese esep talap etý faktileri boıynsha aryz túsken jaǵdaıda, aımaqtyq bilim salasynda sapany qamtamasyz etý departamenti dáleldeme negizderi bolǵan jaǵdaıda ákimshilik is qozǵaıdy. Qajet bolǵan jaǵdaıda quqyq buzýshylyqqa qatysty tekserý júrgizedi. Osyndaı derek oryn alǵan birneshe mektep dırektoryna qatań sógis jarııalanǵan.
Túrkistan oblysy
