Jalpy qaıyrymdy jandar 15 mln teńgege 5-9 synyp oqýshylaryna 251 jınaqtama kıim, aıaq kıim jáne keńse taýarlary salynǵan rıýkzaktardy Almaty oblysy Qapshaǵaı qalasyndaǵy «Baldáýren» respýblıkalyq oqý-saýyqtyrý ortalyǵynda demalyp jatqan Maqtaaral aýdanynyń balalaryna tabys etti. Balalarǵa qonaqqa qaıyrymdylyq qorynyń basshylyǵymen birge qýanyshty kóńil-kúı syılaý úshin áıgili «Jokeasses» komandasynyń vaınerleri de keldi. «Biz kıimderge qosymsha mektepte oqýǵa qajettiniń barlyǵy salynǵan jaqsy rıýkzaktar syılaýdy sheshtik. Demalystyń mundaı tamasha aıaqtalýy olarǵa jaqsy kóńil-kúı syılap, búkil jazǵa qýat berdi dep úmittenemiz», deıdi «Aıala» qorynyń prezıdenti Aıdan Súleımenova.
Eske sala keteıik, Maqtaaral aýdanyń balalary «Baldáýren» respýblıkalyq oqý-saýyqtyrý ortalyǵynda 2 aptadan beri demalýda. Olar ashyq basseınde shomylyp, saýyqtyrý, sport seksııalarynda tennıspen, sadaq atýmen, fıtnespen aınalysady. Balalarmen bilikti pedagog-psıhologtar jumys istedi. TJB qashyqtan tapsyryp, oqý jylyn sátti aıaqtady.
Túrkistan oblysy
