Jıyn barysynda óńirdiń bilim berý, mádenıet jáne sport mekemeleriniń, jergilikti polısııa qyzmetiniń, ıývenaldy polısııa men volonterlik uıymdardyń ókilderi jazǵy demalys kezindegi balalardyń qaýipsizdigin qamtamasyz etý máselelerin talqylady.
Oblystyq Bilim berý basqarmasy basshysynyń orynbasary Roza Aqanovanyń aıtýynsha, bıyl jazda 105 myńnan astam oqýshynyń jazǵy demalysy men bos ýaqytyn laıyqty ótkizý josparlanǵan.
Oblysta ártúrli baǵyttaǵy 750 balalar lageri ashylady. Departament bastyǵynyń orynbasary Samat Asaıynov jazǵy demalys kezinde balalardyń qaza bolýy men jaraqattaný faktilerine jol bermeý qajettigin alǵa tartyp, balalardyń ata-analarymen túsindirý jumystaryn kúsheıtý qajettigin eskertti.
Halyqtyń áleýmettik qorǵalmaǵan toptarynyń balalaryn adamgershilik-rýhanı, patrıottyq tárbıege baýlý maqsatynda ul balalarǵa arnalǵan "Jiger" jobasy jáne qyz balalarǵa arnalǵan "Balaýsa" jobasy iske asyrylady.
Sonymen qatar, balalardyń sýdaǵy qaýipsizdigin qamtamasyz etý máselesi asa ózekti. О́tken jyly oblystyń sý aıdyndarynda 10 bala sýǵa batqan edi.
Samat Asaıynov balalar lagerleriniń qyzmetkerleri men pedagogıkalyq ujymynyń qaýipsizdik tehnıkasyn bilýi boıynsha jumys júrgizip, lagerlerdegi bastapqy órt sóndirý quraldarynyń tehnıkalyq ázirligin tekserý qajettiligin atap ótti.
Sonymen qatar, deparatment qyzmetkerleri mamyr aıynda óńirdiń sýqoımalarynda jazataıym oqıǵalardyń aldyn alý boıynsha 249 reıd júrgizdi. Reıdter barysynda Departamenttiń qyzmetkerleri 1570 adamǵa jadynama taratty, olardyń ishinde 377 bala bar.
Pavlodar oblysy
