- Asharshylyq pen qýǵyn-súrgin kúnin ekige bólip, asharshylyqty 30 mamyrǵa, qýǵyn-súrgindi 31 mamyrǵa burynǵy ornyna qaldyrǵan jón. О́ıtkeni 15 jyldyń ishinde qyrylǵan 5 mıllıondaı qazaqqa, solardyń árýaǵyna úlken qııanat jasap otyrmyz. Mundaı alapat asharshylyq týraly jáne onyń ulyqtaý máselesi bizde kemshin soǵyp jatyr. Zulmatqa arnalǵan Nur-Sultan men Almaty qalasynda eki eskertkish qoıyldy. Eskertkish jeke adamǵa da qoıylady ǵoı. Al halyqtyń jartysynan kóbi qyrylǵan bul náýbetke laıyǵy – memorıal keshen, - dedi jazýshy.
Sondaı-aq ol memorıal keshende tek 15 jyldyń kólemindegi aqtańdaqtar emes, jalpy qazaq tarıhyndaǵy aqtańdaqtar zaly jasalsa degen usynysy baryn jasyrmady.
- Munda qazaq halqynyń bastan ótkergen qasireti aıqyn kórsetilse. Qazirgi kezdi balaýyzdan músin jasaıtyn sheberler bar. Solardy shaqyryp, eýropalyq úlgidegi mýzeıler tárizdi tarıhtaǵy sumdyqtardy «tirilte» alamyz. Mundaı mýzeıdiń áseri erekshe, tárbıelik máni mol bolmaq. Tarıhty kózge kórsetkendeı jas urpaqty patrıottyq, tanymdyq rýhta tárbıeleýge budan artyq jasaı almaısyń, - dedi ol.
