Karantın kezinde halyqtyń qaýipsizdigi maqsatynda azamattardy jeke qabyldaý toqtatylyp tursa da, polıseıler turǵyndarmen jazbasha, tikeleı efırler, onlaın túrinde keri baılanys ornatýda.
Jýyrda departament bastyǵynyń orynbasary, polısııa polkovnıgi Baǵlan Halyqov áleýmettik jelide tikeleı efır arqyly turǵyndardyń kókeıdegi suraqtaryna jaýap berdi. Tikeleı efırge departament bastyǵynyń kadr jónindegi orynbasary shyqqanynan habardar bolǵan kópshiliktiń suraǵy da kóbinese ishki ister organdaryna qyzmetke ornalasý tártibine qatysty boldy.
«Jasy 35-ten aspaǵan, bilimi joǵary, áskerı boryshyn ótegen elimizdiń patrıoty ishki ister organdarynda qyzmetke qabyldanady. Jalpy, ishki ister organdarynda elge qyzmet etkisi keletin adam eń aldymen Qazaqstannyń azamaty bolýy kerek. Zań aıasynda Memlekettik qyzmet isteri basqarmasynan testileýden ótýi tıis. Fızıkalyq, psıhologııalyq jáne polıgrafııalyq tekseristerden ótýi qajet. Osy synaqtardyń barlyǵynan súrinbeı ótken azamattar konkýrsqa qatysa alady. Konkýrs jarııalanǵan soń 10 kún ishinde sonda kórsetilgen talap etiletin qujattardy qabyldaımyz. Sosyn arnaıy qurylǵan komıssııanyń qaraýyna usynylady. Barlyq talapqa saı synaqtan ótken azamat kadrlyq rezervke alynady. О́te almaǵandar qaıtarylady. Munyń bári ashyq júrgiziledi, tıisti saıttarda jarııalanady», dedi Baǵlan Halyqov.
Polısııa departamenti búginde elimizde quqyqtyq tártiptiń saqtalýyn júzege asyrýmen qatar halyqqa jaqyn bolyp, ashyqtyq ornatý maqsatynda buqaralyq aqparat quraldarynyń, áleýmettik jelilerdiń múmkindigin paıdalanýda.
Túrkistan oblysy
