Apat saldaryn joıyp, qalpyna keltirý jumystarynyń barysy baıandalǵan lezdemelik májiliste oblys ákimi О́mirzaq Shókeev jańadan boı kótergen yqsham aýdanda ortalyq alań salýdyń qajettigin aıtty. Búginde Jeńis, Jańaturmys, Dostyq eldi meken turǵyndarynyń kelisimi boıynsha, Myrzakent kentinde 425 jeke turǵyn úıdiń qurylysy júrgizilýde. Onyń ishinde 235 turǵyn úı memlekettik bıýdjet esebinen, qalǵan 190 turǵyn úıdiń 150-i «B.О́temuratov», 20-cy «Salıqaly urpaq», 20-cy «Biz birgemiz!» qorlarynyń demeýshiligimen salynýda. Jalpy 839 turǵyn úıge akkredıttelgen sarapshylar tarapynan tehnıkalyq zertteý jumystary júrgizilip, 623 úıge qorytyndy alynǵan.
Qazirgi tańda 32 merdiger mekeme 383 turǵyn úıdiń qurylys-montaj jumystaryn júrgizýde. Qurylys aýmaǵynda 360 úıdiń irgetasy quıylǵan. Al 30 úıdiń qabyrǵasy qalanýda. Qurylys alańyna 1124 adam men 68 arnaıy tehnıka qurylys- montaj jumystaryna jumyldyrylǵan. Jańa salynyp jatqan turǵyn úılerge ınjenerlik ınfraqurylym júrgizilip, Fırdoýsı men О́rgebas eldi mekenindegi sýmen jabdyqtaý júıeleri qalpyna keltirilýde.
Túrkistan oblysy
